स्कूबा डायव्हिंग करताना श्वास कोंडला, हृदयविकाराच्या झटक्याने हिंदुस्थानी अभियंत्याचा दुबईत मृत्यू

स्कूबा डायव्हिंगदरम्यान श्वास घेण्यास त्रास झाल्याने हृदयविकाराचा झटका येऊन 29 वर्षीय हिंदुस्थानी अभियंत्याचा दुबईत मृत्यू झाला. इसाक पॉल ओलाक्केनगिल असे मयत अभियंत्याचे नाव आहे. इसाक हा मूळचा केरळचा रहिवासी असून नोकरीनिमित्त दुबईत राहत होता.

ईद अल-अधाची सुट्टी असल्याने इसाक दुबईच्या जुमेराह बीचवर स्कूबा डायव्हिंगचे प्रशिक्षण घेण्यासाठी गेला. स्कूबा डायव्हिंगचे प्रशिक्षण घेत असताना इसाकला श्वास घेण्यास त्रास होऊ लागला आणि तो ग्रुपपासून वेगळा झाला. इसाकला तात्काळ पाण्याबाहेर काढत जवळच्या रुग्णालयात नेण्यात आले. मात्र त्याचा मृत्यू झाला.

इसाकचा मृतदेह हिंदुस्थानात आणण्यासाठी आवश्यक कागदपत्रांची पूर्तता करण्यासाठी संबंधित अधिकाऱ्यांशी समन्वय साधत असल्याचे इसाकचे काका डेव्हिड प्यारीलोस यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.