जम्मू-कश्मीरच्या पहलगाम येथे झालेल्या दहशतवादी हल्ल्यानंतर हिंदुस्थान-पाकिस्तानमधील संबंध ताणले गेले होते. हिंदुस्थानने ‘ऑपरेशन सिंदूर’ अंतर्गत पाकिस्तान आणि पीओकेमध्ये घुसून दहशतवादी तळ उद्ध्वस्त केले. यामुळे दोन्ही देशांमध्ये युद्ध सदृश्य परिस्थिती निर्माण झाली होती. या काळात हिंदुस्थानी टीव्ही माध्यमांनी अज्ञात सूत्रांच्या हवाल्याने पाकमधील बंडाच्या आणि दोन अण्वस्त्रधारी देशांमधील युद्धाच्या बनावट बातम्या प्रसिद्ध केल्याची टीका ‘वॉशिंग्टन पोस्ट’ या आघाडीच्या वृत्तपत्राने एका रिपोर्टद्वारे केली आहे.
‘ऑपरेशन सिंदूर’मुळे पाकिस्तान पुरता बिथरला होता. 9 मे 2025 रोजी पाकिस्तानने हिंदुस्थानच्या अनेक शहरांवर ड्रोन हल्ला करण्याचा प्रयत्न केला. मात्र हिंदुस्थानने जवळपास सर्व हल्ले हाणून पाडले. त्यानंतर हिंदुस्थानने पाकिस्तानला जोरदार प्रत्युत्तर दिले आणि पाकिस्तानची हवाई संरक्षण प्रणाली उद्ध्वस्त केली. या काळात हिंदुस्थानच्या टीव्ही माध्यमांनी अज्ञात सूत्रांच्या हवाल्याने अनेक ‘ब्रेकिंग न्यूज’ दिल्या. व्हॉट्सअप संदेश, अज्ञात सूत्र आणि सोशल मीडियावरील अफवांच्या मदतीने काल्पनिक युद्धाचे जाळे विणले.
पाकिस्तानचे लष्करप्रमुख असीम मुनीर यांन अटक करण्यात आली, पाकिस्तानमध्ये बंड झाले असून सत्तापालट सुरू आहे, असे वृत्त देण्यात आले. मात्र हे वृत्त खोटे होते. उलट मुनीर यांना हिंदुस्थान-पाकिस्तान तणाव निवळल्यानंतर फील्ड मार्शल पदावर बढती देण्यात आली. एवढेच नाही तर हिंदुस्थानी सैन्य पाकिस्तानमध्ये घुसले आहे, पाकिस्तानचे पंतप्रधान शरण आले, बंकरमध्ये लपले, पाकिस्तानचे कराची बंदर क्षेपणास्त्रांनी उद्ध्वस्त करण्यात आले, शहरे उडवण्यात आली, असे वृत्तही काही माध्यमांनी दिले. प्रत्यक्षात काय घडतेय हे माहिती नसताना अशा निर्णायक क्षणी चुकीची आणि भ्रम निर्माण करणारी माहिती देण्यात आली. याचा ‘वॉशिंग्टन पोस्ट’ने चांगलाच समाचार घेतला.
आज वॉशिंगटन पोस्ट ने एक विस्तृत रिपोर्ट प्रकाशित की है, जिसमें यह उजागर किया गया है कि भारत के प्रमुख न्यूज़ चैनलों ने 9 मई की रात पाकिस्तान में तख्तापलट और युद्ध जैसी मनगढ़ंत खबरें फैलाईं, जो पूरी तरह झूठी साबित हुईं। रिपोर्ट में बताया गया है कि किस तरह व्हाट्सएप संदेशों, अज्ञात… pic.twitter.com/RfOS09huKa
— Mayur Waghela I.N.D.I.A
(@Mayur52974592) June 7, 2025
About The Author
.jpeg)
.jpeg)
Comment List