अरे बापरे… मगरीचे पिल्लू घरात शिरले; महाडमधील घटना

भक्ष्याच्या शोधात महाड तालुक्यातील राजेवाडी गावात आलेल्या मगरीच्या पिल्लाने चक्क एका घरात शिरकाव केला. अनाहूतपणे आलेल्या या पाहुण्याच्या आवाजाने सर्वांचाच थरकाप उडाला. वनविभागाने घटनास्थळी जाऊन मोठ्या शिताफीने मगरीच्या पिल्लाला पकडून सावित्री नदीत सोडले. त्यानंतर सर्वांचा जीव भांड्यात पडला.

सायंकाळी पाचच्या सुमारास कशाचा तरी आवाज येत होता. फैसल आलेकर यांनी घरात पाहिले असता त्यांना सुमारे तीन फुटांचे मगरीचे पिल्लू दिसले. त्यामुळे त्यांची चांगलीच घाबरगुंडी उडाली. आलेकर यांनी प्रसंगावधान राखून घराचा दरवाजा बंद केला. मगरीचे पिल्लू घरात घुसल्याचे समजताच सर्वांनी बाहेर धूम ठोकली. घरातील सर्व दरवाजे बंद करून त्यांनी वनविभागाला याची माहिती दिली.

गाळ उपसण्याचे काम सुरू
अवघ्या दहा मिनिटांतच वनविभागाने घटनास्थळी धाव घेऊन मगरीच्या पिल्लाला पकडून पुन्हा सावित्री नदीत सोडले. सावित्री पात्रात गाळ उपसण्याचे काम सुरू असल्यामुळे हे पिल्लू नागरी वस्तीत आल्याचा प्राथमिक अंदाज व्यक्त करण्यात येत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.