‘बॉलीवूडचे जम्पिंग जॅक’ अशी ओळख असलेले दिग्गज अभिनेते जितेंद्र यांनी आपली अंधेरीतील जमीन तब्बल 855 कोटी रुपयांना विकली आहे. पूर्वी नेटमॅजिक आयटी सर्व्हिसेस म्हणून ओळखल्या जाणाऱया एनटीटी ग्लोबल डेटा सेंटर्सने ही जमीन खरेदी केली आहे. या करारावर 8.69 कोटी रुपये स्टॅम्प ड्युटी आणि 30 हजार रुपयांचे नोंदणी शुल्क भरल्याचे समोर आले आहे.
एनटीटी ग्लोबल डेटा सेंटर्स आणि क्लाऊड इन्फ्रास्ट्रक्चर इंडिया प्रायव्हेट लिमिटेड ही पंपनी क्लाऊड सोल्यूशन्स, होस्टिंग, डेटा मॅनेजमेंट, सायबर सुरक्षा आणि ऑप्लिकेशन डेव्हलपमेंट यासारख्या विविध तंत्रज्ञान सेवा पुरवते. स्क्वेअर यार्ड्सवरील मालमत्तेच्या नोंदणी कागदपत्रांनुसार, अभिनेते जितेंद्र यांच्या पॅन्थियन बिल्डकॉन प्रायव्हेट लिमिटेड आणि तुषार इन्फ्रा डेव्हलपर्स प्रायव्हेट लिमिटेड या दोन कंपन्यांच्या माध्यमातून हा करार करण्यात आला आहे. 29 मे रोजी हा करार रजिस्टर झाला होता आणि त्यात 9,664.68 चौरस मीटर म्हणजे सुमारे 2.39 एकरच्या दोन लगतच्या जमिनींचा समावेश आहे. या जमिनीवर सध्या बालाजी आयटी पार्क आहे, ज्यामध्ये तीन इमारती आहेत आणि एकूण बिल्टअप क्षेत्रफळ 4.9 लाख चौरस फूट आहे.
गुंतवणुकीसाठी अंधेरीला प्राधान्य
बॉलीवूडचे अनेक कलाकार गुंतवणुकीसाठी अंधेरीला प्राधान्य देतात. एप्रिलमध्ये गायिका अलका याज्ञिक व त्यांची मुलगी सायेशा यांनी 11.5 कोटी रुपये मोजून अंधेरीत एक लक्झरी अपार्टमेंट घेतले. मे महिन्यात अभिनेता जयदीप अहलावत व त्याची पत्नी ज्योती हुड्डा यांनी मुंबईतील अंधेरी भागात 10 कोटी रुपयांमध्ये अपार्टमेंट विकत घेतले होते. मागच्या वर्षी बिग बी यांनी अंधेरी भागात तीन व्यावसायिक मालमत्तांची खरेदी केली. 60 कोटी रुपयांना हा व्यवहार झाला होता.
Comment List