ऑगस्ट क्रांती मैदानात नमाजासाठी हवी परवानगी, हायकोर्टात याचिका; सांस्कृतिक विभागाला निर्णय घेण्याचे आदेश

ईदनिमित्त ऑगस्ट क्रांती मैदानात नमाज अदा करण्यासाठी परवानगी द्यावी, अशी मागणी करणारी याचिका उच्च न्यायालयात दाखल झाली होती. याची दखल घेत न्यायालयाने सामाजिक न्याय, सांस्कृतिक विभागाचे सचिव किंवा महापालिका उपायुक्तांनी निर्णय घ्यावा, असे आदेश दिले.

उमर अब्दुल जब्बार गोपालीनी यांनी अॅड. बुरान बुखारी व अॅड. हुसेन शेख यांच्यामार्फत याचिका दाखल केली होती. न्या. डा. नीला गोखले व न्या. मंजुषा देशपांडे यांच्या सुट्टीकालीन खंडपीठासमोर या याचिकेवर सुनावणी झाली. ऑगस्ट क्रांती मैदानावर कार्यक्रमास परवानगी देण्याचे विशेष अधिकार सामाजिक न्याय, सांस्कृतिक विभागाचे सचिव व स्थानिक पालिका उपायुक्तांना आहेत. त्यामुळे याचिकाकर्त्यांनी त्यांच्याकडे अर्ज करावा, असे कोर्टाने स्पष्ट केले.

शनिवारी किंवा रविवारी हवी परवानगी

गेली 50 वर्षे ऑगस्ट क्रांती मैदानावर कायदा व सुव्यवस्थेचा प्रश्न निर्माण न करता नमाज अदा केली जाते. या वर्षी यासाठी परवानगी नाकारण्यात आली. परवानगी नाकारण्याचे कोणतेही ठोस कारण दिले गेले नाही. शनिवारी किंवा रविवारी या मैदानावर नमाज अदा करण्यास परवानगी द्यावी, अशी मागणी याचिकेत करण्यात आली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.