स्वयंपाक करणे ही एक कला आहे. परंतु अनेकदा स्वयंपाक येत नाही म्हणून आपण किचनमध्ये पाऊलच ठेवत नाही. तुम्हीही स्वयंपाकात नवीन असाल तर, या टिप्स नक्कीच उपयुक्त ठरतील. या टिप्स तुम्हाला स्वयंपाकात मदत करतीलच पण तुमच्या पदार्थांची लज्जतही नक्कीच वाढेल.
Cooking Tips- कुकरच्या झाकणातून भात किंवा डाळीचे पाणी बाहेर पडते का? मग ही टिप वापरुन पहा
पनीर करताना दूधात लिंबू पिळल्यानंतर, उरलेले पाणी फेकून देऊ नका. रोटी किंवा पराठ्यासाठी पीठ मळण्यासाठी याचा वापर करा. रोटी आणि पराठे अधिक चविष्ट आणि मऊ होतील.
भजीचे पीठ बनवताना त्यात थोडे तांदळाचे पीठ घाला, पकोडे अधिक कुरकुरीत होतील.
कोणताही गोड पदार्थ बनवताना त्यात चिमूटभर मीठ घाला, यामुळे त्याची चव आणखी वाढेल.
भात शिजवताना पाण्यात 1 चमचा तूप आणि काही थेंब लिंबाचा रस घाला, यामुळे भात मऊ आणि पूर्णपणे पांढरा होईल.
कोणत्याही ग्रेव्हीची चव वाढवण्यासाठी, कांदे तळताना अर्धा चमचा साखर घाला. साखर कॅरमेलाइज होईल आणि ग्रेव्हीला एक छान रंग आणि चव देईल.
पुऱ्या तळण्यापूर्वी 10 मिनिटे फ्रीजमध्ये ठेवाव्या, म्हणजे तळताना जास्त तेल शोषले जाणार नाही.
शिऱ्यासाठी रवा भाजताना त्यात अर्धा चमचा बेसन घाला, यामुळे शिऱ्याची चव दुप्पट होईल.
फ्रेंच फ्राईज बनवण्यासाठी, बटाटे कापून पाण्यात 2-3 मिनिटे उकळा. नंतर पाण्यातून बाहेर काढा आणि स्वयंपाकघरातील रुमाल किंवा टिश्यू पेपरवर पसरवा जेणेकरून सर्व पाणी सुकेल. आता त्यांच्यावर कॉर्न फ्लोअर शिंपडा, झिप लॉक बॅग किंवा हवाबंद कंटेनरमध्ये बंद करा आणि फ्रीजरमध्ये ठेवा. गरज पडल्यास, ते बाहेर काढा आणि लगेच तळून घ्या.
About The Author
Comment List