मुंबई लुटण्याचा डाव उधळून लावण्यासाठी आदित्य ठाकरे यांचा एल्गार, 9 जून रोजी करणार मार्गदर्शन

कुर्ला येथील मदर डेअरीची जागा उद्योगपती गौतम अदानी यांना देण्याचा निर्णय महायुती सरकारने घेतला. त्याविरोधात धारावीकरांमध्ये नाराजी आणि संतापाबरोबरच अस्वस्थताही आहे. तसेच धारावी पुनर्विकासाच्या नावाखाली अदानीला तब्बल 540 एकर जमीन फुकटात देण्यात आली. शिवाय धारावीबाहेरील 600 एकर जमीन फुकटात देण्यात येत आहे. महायुती सरकारच्या या मनमानी कारभाराविरोधात शिवसेना (उद्धव बाळासाहेब ठाकरे) पक्षाचे नेते, युवासेना प्रमुख, आमदार आदित्य ठाकरे यांनी कायम आवाज उठवला आहे.

धारावीच्या नावाखाली महायुती सरकारचा मुंबई लुटण्याचा डाव उधळून लावण्यासाठी शिवसेना (उद्धव बाळासाहेब ठाकरे) पक्षातर्फे 9 जून 2025 रोजी मुलुंडच्या कालिदास सभागृहात ‘लढा आपल्या मुंबईचा’ हा कार्यक्रम आयोजित करण्यात आला आहे. यावेळी आदित्य ठाकरे हे उपस्थितांना मार्गदर्शन करणार आहे. सोमवार 9 जून रोजी सायंकाळी 6 वाजता हा कार्यक्रम होणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.