मायक्रोसॉफ्टमध्ये नोकर कपात सुरूच

टेक क्षेत्रातील दिग्गज कंपनी मायक्रोसॉफ्टने नोकर कपात सुरूच ठेवली आहे. मायक्रोसॉफ्टने गेल्या महिन्यात 6 हजार कर्मचाऱयांना कामावरून काढून टाकले होते. त्यानंतर आता कंपनीने नोकर कपातीची दुसरी फेरी सुरू केली आहे. यामध्ये 300पेक्षा अधिक जणांना घरी पाठवले जाणार आहे. गतिमान बाजारपेठेत कंपनीच्या चांगल्यासाठी आवश्यक संघटनात्मक बदल आम्ही अमलात आणत आहोत, असे मायक्रोसॉफ्टच्या वतीने सांगण्यात येतेय. मात्र कोणत्याही विभागातील कर्मचाऱयांना कामावरून काढून टाकणार याबाबत काहीच सांगितलेले नाही. एकीकडे मायक्रोसॉफ्ट नोकर कपातीची घोषणा करतेय, तर दुसरीकडे एआयमध्ये गुंतवणूक करून त्याद्वारे कोडिंग आणि अन्य टेक्निकल कामांमध्ये मदत घेत आहे. जून 2024च्या आकडेवारीनुसार या अमेरिकन टेक कंपनीकडे 2 लाख 28 हजार 800 फुल टाईम कर्मचारी होते. दरम्यान, गेल्या काही महिन्यांपासून टेक कंपन्यांनी धडाधड कर्मचारी कपात सुरू केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.