मिंधे गटाचा नेत्यांनी आता अजित पवार आणि छगन भुजबळ यांच्या मांडीवर बसा, असा टोला शिवसेना (उद्धव बाळासाहेब ठाकरे) पक्षाचे नेते, विधान परिषदेचे विरोधी पक्षनेते अंबादास दानवे यांनी मिंधे गटाला लगावला आहे.
मिंधे गटाच्या मंत्र्यांनी उपमुख्यमंत्री एकनाथ शिंदे यांच्याकडे अर्थमंत्री अजित पवार यांची तक्रार केल्याचं बोललं जात आहे. दादा पैसाच देत नाहीत भाई… कामं कशी करायची? अशी ‘वन टू वन’ तक्रारच त्यांनी शिंदेंकडे केल्याचे सांगितले जाते. यावरूनच माध्यमांशी संवाद साधताना अंबादास दानवे यांनी टोला लगावला आहे.
अंबादास दानवे म्हणाले की, “ज्यावेळी शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांना सोडून गेले होते, त्यावेळी तुम्ही काय सांगितलं होतं? अजित पवार निधी देत नाही म्हणून जातोय. आता अजित पवार निधी देत नाही, ही तुमचीच बोंब आहे. शिक्षण विभागाचे काही विषय असल्याने मी शिक्षणमंत्री दादा भुसे यांच्याकडे गेलो होतो. शिक्षकांना वेगवेगळ्या टप्प्यात पगार द्यायचं ठरलं आहे. मात्र निधी कुठे आहे? जलजीवनच्याही सगळ्या योजना आधांतरी आहेत. केंद्र सरकारची इतकी महत्त्वाची योजना आहे, मात्र राज्य सरकार त्याला निधी देत नाही.”
Comment List