मस्साजोगचे सरपंच संतोष देशमुख हत्या प्रकरणात मंगळवारी बीडच्या जिल्हा व सत्र न्यायालयात सुनावणी झाली. सरकारी पक्षाचे वकील उज्ज्वल निकम यांच्या उपस्थितीत युक्तिवाद झाला. संतोष देशमुख हत्या प्रकरणात आरोप निश्चिती बाबत पुरेसे पुरावे असून आरोप निश्चिती करून घ्यावी, असा अर्ज उज्वल निकम यांनी न्यायालयाला सादर केला. अद्याप सरकारी पक्षाकडून डिजिटल एव्हिडन्स मिळाले नसल्याचं वाल्मीक कराडच्या वकिलांकडून सांगण्यात आले. वाल्मीक कराडच्या दोष मुक्तीच्या अर्ज न्यायालयात प्रस्तावित केला आहे. या दोन्ही बाबींवर 17 जून रोजी सुनावणी होणार आहे.
डिस्चार्ज एप्लीकेशनच्या सुनावणीला वेळ लागू शकतो. येणाऱ्या तारखेला कोर्टात इतर अर्ज जे पेंडीग आहेत त्यावर सुनावणी होणार आहे. डिस्चार्ज एप्लीकेशनवर सुनावणी घेण्याअगोदर इतर अर्जावर सुनावणी घ्या, असं कोर्टाचे निरीक्षण आहे. सरकारी पक्षाच्या वकिलाने मालमत्ता जप्ती संदर्भात अर्ज केले आहेत. कोर्टाच्या निरीक्षणानुसार 17 जूनला इतर अर्जावर एकत्रितपणे सुनावणी होणार असल्याची माहिती वाल्मीक कराडचे वकील मोहन यादव यांनी दिली.
वाल्मिक कराडला मकोकाचा नियम लागू होतो का? यासंदर्भात 17 तारखेला निर्णय होईल. 17 तारखेला दोन्ही पक्षांचे ऐकून न्यायालय निर्णय देईल. वाल्मीक कराडची सर्व स्थावर मिळकत चल आणि अचल जप्तीसाठी अर्ज दिला होता. त्यांच्या वकिलांनी न्यायालयात उत्तर दिले आहे. त्यावर 17 तारखेला सुनावणी होईल. या खटल्यात मोकोकामधून दोषमुक्त करावे, असा अर्ज वाल्मिक कराडचा होता. मकोकामधून मला दोषमुक्त करावे, असा वाल्मिक कराडचा अर्ज आहे. त्यावर बचाव पक्षाने सांगितले की, वाल्मिक कराडला मकोकातून मुक्त करावं, यावर पहिले सुनावणी घेण्यात यावी. बचाव पक्षाच्या या मागणीवर आम्ही कोणतीही हरकत नसल्याचं सांगितलं. यावर 17 तारखेला युक्तिवाद होईल, अशी माहिती उज्ज्वल निकम यांनी दिली.
Comment List