भरधाव ट्रकची रिक्षाला धडक, 60 फुटांपर्यंत फरफटत नेलं; चौघांचा जागीच मृत्यू

बीडमध्ये थरकाप उडवणारी घटना समोर आली आहे. माजलगाव तालुक्यातील निन्नूडजवळ तेलगाव-माजलगाव रस्त्यावर भरधाव ट्रकने रिक्षाला धडक दिली. यानंतर 60 फुटापर्यंत रिक्षाला फरफटत नेले. या अपघातात चौघांचा जागीच मृत्यू झाला तर दोन जण गंभीर जखमी आहेत. अपघाताची माहिती मिळताच स्थानिक पोलिसांनी घटनास्थळी धाव घेतली.

मयत आणि जखमी सिरसाळा येथील रहिवासी आहेत. फारुख चाँद, शबाना फारुख, शेख नोहिद एजाज आणि फैजान रफिक सय्यद अशी अपघातातील मृतांची नावे आहेत. अपघातानंतर ट्रक चालक फरार झाला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.