नाना पाटेकर हे भारतीय चित्रपटसृष्टीतील एक प्रसिद्ध अभिनेते आहेत. सिनेमांमधील त्यांचे संवाद, डायलॉग प्रेक्षकांमध्ये खूप लोकप्रिय आहेत. त्यांनी 1978 मध्ये ‘गमन’ या चित्रपटातून बॉलिवूडमध्ये पदार्पण केले. तेव्हापासून भारतीय चित्रपटसृष्टीत आपली वेगळी अशी ओळख निर्माण केली. पण तुम्हाला माहिती आहे का नानांची पत्नी देखील प्रसिद्ध अभिनेत्री होती. पण त्यांचे हे नातं फारकाळ चाललं नाही. आता नानांची पूर्वपत्नी रुपेरी पडद्यावर पुनरागमन करत आहे.
बऱ्याच कमी लोकाना माहिती आहे की नाना पाटेकर यांची पूर्वाश्रमीची पत्नी नीलाकांती पाटेकर एक अभिनेत्री आहेत. त्यांना एक राष्ट्रीय पुरस्कार देखील देण्यात आला होता. त्या मराठी चित्रपटसृष्टीतील प्रभावी कामासाठी विशेष ओळखल्या जायच्या. नीलाकांती पाटेकर यांनी चित्रपटसृष्टीपासून बराच काळ ब्रेक घेतला होता. परंतु त्यांनी विक्की कौशल आणि रश्मिका मंदाना यांच्या मुख्य भूमिकेतील ‘छावा’ या चित्रपटातून दमदार पुनरागमन केले आहे. त्यांच्या उत्कृष्ट अभिनयाने प्रचंड लोकप्रियता मिळवली असून त्यांनी यशस्वी पुनरागमन केले आहे. या चित्रपटाच्या माध्यमातून बर्‍याच काळानंतर त्या पुन्हा एकदा चर्चेत आल्या आहेत.
महाराष्ट्रात जन्मलेल्या नीलाकांती यांचे वडील केंद्रीय उत्पाद शुल्क विभागात काम करत असल्याने त्या लहानपणी अनेक शहरांमध्ये फिरत होत्या. नीलाकांती यांनी 1966 मध्ये बालकलाकार म्हणून नाटकांमधून आपल्या अभिनय कारकिर्दीला सुरुवात केली. मराठी रंगभूमीवर त्यांनी एक छाप सोडली. त्यांनी 1973 मध्ये महाराष्ट्र राज्य नाट्य स्पर्धेत सर्वोत्कृष्ट अभिनेत्री म्हणून सुवर्णपदकासह अनेक पुरस्कार मिळवले. याशिवाय, 1989 मध्ये ‘आत्मविश्वास’ या चित्रपटातील त्यांच्या अभिनयासाठी त्यांना महाराष्ट्र शासनाचा सर्वोत्कृष्ट अभिनेत्रीचा पुरस्कार मिळाला.
नीलाकांती आणि नाना पाटेकर यांची प्रेमकथा
नीलाकांती आणि नाना पाटेकर यांची प्रेमकथा एका मराठी नाटकादरम्यान सुरू झाली. त्यांची मैत्री लवकरच प्रेमात बदलली. त्यांनी 1978 मध्ये लग्न केले तेव्हा नाना 27 वर्षांचे होते. काही वर्षांनंतर, त्यांनी त्यांच्या पहिल्या मुलाचे स्वागत केले, जो दुर्दैवाने फक्त अडीच वर्षांचा असताना मरण पावला. नंतर, या दांपत्याला मल्हार नावाचा आणखी एक मुलगा झाला. अहवालांनुसार, कालांतराने नीलाकांती आणि नाना यांच्यात काही मतभेद निर्माण झाले आणि ते कायदेशीररित्या विवाहित असूनही वेगळे राहू लागले.
नाना-नीलाकांती यांच्या घटस्फोटाचे कारण
नंतरच्या मुलाखतीत नाना यांनी कबूल केले की त्यांच्या नात्यात भावनांपेक्षा परस्पर आदर जास्त होता. जवळपास एक दशक स्क्रीनपासून दूर राहिल्यानंतर, नीलाकांती यांनी विक्की कौशलच्या ‘छावा’ या चित्रपटातून शानदार पुनरागमन केले आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List