बलुच लिबरेशन आर्मीने पाकिस्तानला पुन्हा एकदा मोठा दणका दिला आहे. बलुच लिबरेशन आर्मिने आयएसआय एजंट बाबुल हस्सानीचा खात्मा केल्याचा दावा केला आहे. हस्सानी याला त्याच्या गाडीसह उडवून दिले. बलुचिस्तान लिबरेशन आर्मीने पाकिस्तान आर्मीच्या एका महत्त्वाच्या एजंटचा खात्मा केला आहे. बीएलएने असा इशाराही दिला आहे की जर कोणी पाकिस्तानी आर्मीचा एजंट असेल तर त्याने आत्मसमर्पण करावे अन्यथा त्यालाही मारले जाल.
पाकिस्तानात स्वातंत्र्याची मागणी करणाऱ्या बलुचिस्तान लिबरेशन आर्मी आणि पाकिस्तानमध्ये संघर्ष सुरूच आहे. यात बलुच आर्मीला दररोज मोठे यश मिळत आहे. बलुच लिबरेशन आर्मी (बीएलए) च्या स्पेशल टॅक्टिकल ऑपरेशन स्क्वॉडने (एसटीओएस) क्वेटा येथे एका कारवाईदरम्यान पाकिस्तान आर्मीचा प्रमुख एजंट बाबुल मुहम्मद हस्सानीला ठार मारले. बीएलएच्या सैनिकांनी क्वेटा येथील बरुरी रोडवरील एका स्टॉप एरियामध्ये पाकिस्तानी लष्कराचे एजंट मुहम्मद हस्सानी यांच्या वाहनाला चुंबकीय आयईडीने लक्ष्य केले. या स्फोटात मुहम्मद हसनी यांचा जागीच मृत्यू झाला तर त्यांचा साथीदार मुहम्मद अमीन गंभीर जखमी झाला. आयईडी स्फोटात वाहन पूर्णपणे उद्ध्वस्त झाले.
बाबुल मुहम्मद हस्सानी हा पाकिस्तानी सैन्य आणि त्यांच्या गुप्तचर संस्थांचा प्रमुख एजंट होता. त्याचे जिहादी पथकाचे एजंट जकारिया मुहम्मद हस्सानीशी थेट संबंध होते. मुहम्मद हसनी कलाटमध्ये एका सशस्त्र टोळीचे नेतृत्व करत होता जो शहर आणि आसपासच्या भागात सक्रिय होता. मुहम्मद हस्सानीने एक छळ कक्ष देखील स्थापन केला होता ज्यामध्ये बलुच तरुणांना जबरदस्तीने बेपत्ता करून छळले जात असे. त्याच्या टोळीने अनेक भागात चौक्या उभारल्या होत्या आणि सशस्त्र गस्त घातली होती. बीएलएने इशारा दिला आहे की जे लोक बलुचांविरुद्ध पाकिस्तानी सैन्यासोबत काम करत आहेत त्यांनी बीएलएसमोर शरण जावे अन्यथा त्यांचे हाल मुहम्मद हस्सानीसारखेच होतील.
Comment List