गुजरातमधील भाजपचे मंत्री बच्चूभाई खाबड यांचा मुलगा बलवंत खाबड याला पुन्हा अटक केली आहे. मनरेगा घोटाळ्या प्रकरणी बलवंत खाबडला पोलिसांनी अटक केली होती. आता याच प्रकरणात नवीन गुन्हा दाखल झाल्याने खाबडला पुन्हा अटक करण्यात आली आहे.
एप्रिलमध्ये बलवंत खाबड आणि त्याचा भाऊ किरण खाबडविरोधात गुन्हा दाखल झाला होता. दोघांना 29 मे रोजी जामीन मंजूर झाला आणि दोघे तुरुंगातून बाहेर आले होते. पण किरण राठोडला दुसऱ्या एका प्रकरणात पुन्हा अटक करण्यात आली होती. तर दाहोत पोलिसांनी बलवंत विरोधात गुन्हा दाखल केल्याने 31 मे ला पुन्हा अटक केली. बलवंत विरोधात पोलिसांनी हा तिसरा गुन्हा दाखल केला होता.
बलवंतच्या श्री राज कन्स्ट्रक्शन कंपनीला सरकारकडन 33.86 लाख रुपये मिळाले होते. मनरेगा प्रकल्पांतर्गत बलवंतला एका प्रकल्पाला साधन सामुग्री पुरवायची होती. ही साधन सामुग्री न पुरवताच बलवंतने हे पैसे लाटले होते.
बलवंतने मनरेगाच्या एकूण 71 कोटी रुपयांचा घोटाळा केला आहे. त्यात अेक कंपन्या स्थापून सरकारला मनरेगासाठी साधन सामुग्री पुरवायची होती. बलवंतने फक्त कागदोपत्री हे साधनसामुग्री पुरवली आणि कागदोपत्री काम झाल्या दाखवत 71 कोटी रुपये लाटले होते.
Comment List