Simhastha Kumbh Mela Nashik : नाशिक सिंहस्थ कुंभमेळाच्या पर्वणी जाहीर, जाणून घ्या अमृतस्नानाच्या तारखा

नाशिक येथे 2026 मध्ये होणाऱ्या सिंहस्थ कुंभमेळ्याच्या पर्वणीची घोषणा करण्यात आली आहे. या महाकुंभमेळ्यात सुमारे मोठ्या संख्येने भाविक सहभागी होण्याची शक्यता आहे. या पर्वणीसाठी प्रशासनाने सर्वंकष तयारी सुरू केली असून, यावेळी कुंभमेळ्याचे आयोजन भव्य स्वरूपात होणार आहे.

नाशिक कुंभमेळा

• सिंहस्थ ध्वजारोहण शुभारंभ – शनिवार 31 ऑक्टोबर 2026, दुपारी 12 वाजून 2 मिनिटांनी (स्थळ-रामकुंड पंचवटी)
• प्रथम अमृतस्नान-सोमवार 2 ऑगस्ट 2027,आषाढ सोमवती अमावस्या.
• महाकुंभस्नान/द्वितीय अमृतस्नान-मंगळवार 31 ऑगस्ट 2027, श्रावण अमावस्या
• तृतीय अमृतस्नान-शनिवार 11 सप्टेंबर 2027, भाद्रपद शुद्ध एकादशी

त्र्यंबकेश्वर कुंभमेळा

• सिंहस्थ ध्वजारोहण शुभारंभ- शनिवार 31 ऑक्टोबर 2026,
• प्रथम अमृतस्नान-सोमवार 2 ऑगस्ट 2027, आषाढ सोमवती अमावस्या.
• महाकुंभस्नान/द्वितीय अमृतस्नान-मंगळवार 31 ऑगस्ट 2027 , श्रावण अमावस्या
• तृतीय अमृतस्नान-शनिवार 12 सप्टेंबर 2027, भाद्रपद शुद्ध द्वादशी (वामन द्वादशी).

याशिवाय नाशिक येथे सिंहस्थ पर्व पर्वकालातील सर्व एकादशी, पौर्णिमा, अमावस्या वैधृती व्यतिपात योग हे दिवस भाविकांसाठी तीर्थस्थान, दर्शन पर्व असतील. नाशिक येथे कुंभमेळा 2027 मध्ये मुख्य तीन पर्वण्याव्यतिरिक्त पर्वस्नानाचे एकूण 44 मुहूर्त असून त्र्यंबकेश्वर येथे पर्वस्नानाचे एकूण 53 मुहूर्त आहेत. भाविकांनी अमृत स्नानाशिवाय पर्वस्नानाचा दिवशी देखील मोठ्या संख्येने सहभागी व्हावे, असे जिल्हाधिकारी जलज शर्मा यांनी केले आहे.