Jalna News – धुळे सोलापूर महामार्गावर इनोव्हा गाडीला अपघात, एक जागीच ठार; एक गंभीर जखमी

भरधाव वेगात शिर्डीकडे जाणाऱ्या इनोव्हा कारचालकाला डुलकी लागल्याने कार दुभाजक ओलांडून रस्त्याच्या दुसऱ्या बाजूला जाऊन ट्रकला धडकली. या अपघातात एक जण ठार तर एक जण किरकोळ जखमी झाला आहे. जालन्यातील अंबड तालुक्यातील धुळे-सोलापूर राष्ट्रीय महामार्ग 52 वरील सौंदलगाव पाटीजवळ रविवारी सकाळी साडेसात वाजता ही घटना घडली.

इनोव्हा कार छत्रपती संभाजीनगरहून हैदराबादकडे जात असताना डिव्हाइडर ओलांडून दुसऱ्या लेनवर गेली. यावेळी बीडकडून संभाजीनगरकडे जाणारा कंटेनर इनोव्हा कारला धडकला. यात कारमधील रमेश कृष्णमूर्ती हे जागीच ठार झाले. तर चालक श्रीराम भास्कर धिता जखमी आहे. अपघातानंतर कंटेनर चालक पळून गेला.

एन.एच.आय टिमचे मारुती चित्रे, अभिषेक सिरसकर, संजय यरमळ, रुग्णवाहिकाचे डॉ. महेश जाधव, चालक आत्माराम गाडेकर, मदतनीस विठ्ठल गायकवाड यांनी क्रेनच्या साह्याने बाजूला करत वाहतूक सुरळीत केली. जखमीला उपचारासाठी रुग्णालयात दाखल केले. कृष्णमूर्ती यांचा मृतदेह शवविच्छेदनासाठी वडीग्रोद्री प्राथमिक आरोग्य केंद्रात नेण्यात आला. पुढील तपास पोलीस करीत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.