MI Vs PBKS – युजवेंद्र चहल मुंबईविरुद्ध खेळणार का नाही? मोठी अपडेट आली समोर, वाचा…

IPL 2025 चा दुसरा क्वालिफायर सामना मुंबई इंडियन्सविरुद्ध पंजाब किंग्ज यांच्यात अहमदाबादच्या नरेंद्र मोदी स्टेडियमवर आज (1 जून 2025) खेळला जाणार आहे. संध्याकाळी 7.30 वाजता फायनलमध्ये धडक मारण्यासाठीचा थरार सुरू होईल. जिंकणारा संघ फायनलमध्ये आणि हरणारा संघ थेट घरी जाईल. त्यामुळे दोन्ही संघांच्या चाहत्यांच्या नजरा सामन्यावर स्थिरावल्या आहेत. अशातच पंजाब किंग्जचा हुकूमी एक्का म्हणजेच युजवेंद्र चहलच्या खेळण्यावर अजूनही प्रश्नचिन्ह कायम आहे.

युजवेंद्र चहल सध्या चांगल्या फॉर्मात आहे. त्यामुळे त्याचं संघात असण पंजाबसाठी फायद्याचं ठरणार आहे. परंतु दुखापतीमुळे मागील तीन सामन्यांमध्ये तो खेळू शकलेला नाही. त्याने 18 मे रोजी राजस्थानविरुद्ध शेवटचा सामना खेळला होता. त्यानंतर दुखापतीमुळे तो स्पर्धेत खेळताना दिसला नाही. मुंबईविरुद्ध होणारा सामना पंजाबसाठी ‘करो या मरो’चा आहे. त्यामुळे संघ कोणत्याही परिस्थितीमध्ये सामना जिंकण्यासाठी प्रयत्नशील असेल. अशा परिस्थीतीत युजवेंद्र चहलच संघात असणं इतर गोलंदाजांना स्फुर्ती देणारं ठरू शकतं. चहलला सुद्धा मुंबईविरुद्धच्या सामन्यात खेळायचं आहे.

फक्त प्रेम…! गिल आणि पंड्याने शेअर केली खास पोस्ट, एलिमिनेटर लढतीवेळी वाद झाल्याची होती चर्चा

मुंबईविरुद्ध खेळण्यासाठी चहल इंजेक्शन घेण्यासही तयार असल्याचे वृत्त आहे. त्याचबरोबर तो नेट्समध्ये सराव करतानाही दिसला आहे. तसेच क्षेत्ररक्षणाच्या सरावातही त्याने भाग घेतला आहे. त्यामुळे मुंबईविरुद्ध चहल ‘इम्पॅक्ट प्लेअर’ म्हणून मैदानात उतरण्याची दाट शक्यता आहे. टाईम्स ऑफ इंडियाने या संदर्भात वृत्त दिले आहे. चहलने IPL 2025 मध्ये 12 सामने खेळले असून 25.28 च्या सरासरीने 14 विकेट घेतल्या असून यामध्ये एका हॅट्रीकचा सुद्धा समावेश आहे.