तुरुंगात असताना दहशतवादी जकीउर रहमान लखवी झाला बाप, ओवैसींनी पाकड्यांचा बुरखा टराटरा फाडला

पाकिस्तान दहशतवादाला पोसतो ही गोष्ट हिंदुस्थानने अनेकदा जगासमोर उघड केली आहे. पहलगाम हल्ल्यातही पाकिस्तानचा हात असल्याचे उघड झाले आणि हिंदुस्थानने ऑपरेशन सिंदूर राबवत पाकिस्तान, पीओकेतील दहशतवादी तळ उद्ध्वस्त केले. त्यानंतर ‘ऑपरेशन सिंदूर’चा संदेश जगात पोहचविण्यासाठी केंद्र सरकारने 7 शिष्टमंडळ तयार केले. या शिष्टमंडळांनी अनेक देशांना भेट देऊन दहशतवाद पोसणाऱ्या पाकिस्तानचा पर्दाफाश केला. एमआयएमचे नेते असदुद्दीने ओवैसी हे देखील या शिष्टमंडळाचा भाग असून शनिवारी अल्जीरिया येथे हिंदुस्थानी समुदायाला संबोधित करताना त्यांना पाकिस्तानचा बुरखा फाडला.

मुंबईवर झालेल्या 26/11 दहशतवादी हल्ल्याचा मास्टरमाइंड जकीउर रहमान लखवी हा तुरुंगात असतानाही बाप झाला होता, याची आठवणही त्यांनी करून दिली. तसेच दहशतवाद्यांना आश्रय देण्याचे इस्लामाबादचे धोरण दक्षिण आशियात अस्थिरता निर्माण करत असल्याचेही ते म्हणाले.

कॉपी करायलाही अक्कल लागते, असीम मुनीर पाकिस्तानचे हसे करत आहे; ओवैसींनी पाकड्यांना चांगलेच फटकारले

ओवैसी यांनी जकीउर रहमान लखवीचा उल्लेख करत पाकड्यांवर हल्ला चढवला. जकीउर रहमान लखवी नावाचा एक दहशतवादी आहे. जगातील कोणताही देश दहशतवादाच्या आरोपाखाली असलेल्या दहशतवाद्याला तुरुंगाबाहेर येऊ देत नाही, परंतु पाकिस्तानमध्ये हा दहशतवादी तुरुंगात बसून बाप बनला आहे. एफएटीईने पाकिस्तानला ग्रे लिस्टमध्ये टाकल्यानंतर त्याच्यावरील खटला सुरू झाला. आताही पाकिस्तानला पुन्हा ग्रे लिस्ट टाकावे अशी मागणीही ओवैसी यांनी केली.