Latur News – वाहनासह एक लाखांहून अधिक किंमतीचा प्रतिबंधित गुटखा जप्त, स्थानिक गुन्हे शाखेची कारवाई.

लातूर शहरातील इस्लामपूर भागातील एका घरावर धाड टाकून एक लाख आठ हजार रुपयांचा गुटखा, वाहनांसह जप्त करण्यात आला आहे. याप्रकरणी पोलिसांनी एका व्यक्तीला ताब्यात घेतलं आहे.

अवैध धंद्यावर कठोर कारवाईसाठी अवैध व्यवसाय निर्मूलन अभियान संपूर्ण जिल्ह्यामध्ये राबविण्यात येत आहे. त्या अनुषंगाने अवैध धंद्यावर कारवाई केली जात आहे. 30 मे 2025 रोजी स्थानिक गुन्हे शाखेच्या पथकाला महाराष्ट्र शासनाने प्रतिबंधित केलेले अन्नपदार्थ तंबाखूजन्य पदार्थाची अवैध विक्री व्यवसाय करण्यासाठी प्रतिबंधित गुटखा घरामध्ये साठवून ठेवल्याची माहिती मिळाली. मिळालेल्या माहितीच्या आधारावर स्थानिक गुन्हे शाखेच्या पथकाने शुक्रवारी (30 मे 2025) दुपारी लातूर शहरातील इस्लामपूर भागातील घरावर छापा मारला. यावेळी घरामध्ये महाराष्ट्रात विक्रीसाठी प्रतिबंधित केलेला 1 लाख 8 हजार 216 रुपयांचा गुटखा व सुगंधित तंबाखूचा मुद्देमाल सापडला. पोलिसांनी तात्काळ सर्व मुद्देमाल जप्त करत रामेश्वर नामेदव नाईकवाडे (37) याला ताब्यात घेतलं. त्याच्याविरुद्ध पोलीस ठाणे विवेकानंद चौक येथे गुन्हा दाखल करण्यात आला असून पुढील तपास पोलीस करत आहेत. सदरची कारवाई पोलीस अंमलदार रियाज सौदागर, अर्जुन राजपूत, मनोज खोसे, राहुल कांबळे, नितीन कठारे यांनी केली आहे.