बलुचिस्तान लिबरेशन आर्मीचा पाकड्यांना दणका; सुरब शहरावर मिळवला ताबा

बलुचिस्तान लिबरेशन आर्मीने पाकड्यांना मोठा दणका दिला आहे. पाकिस्तानच्या बलुचिस्तान प्रांतातील सुरब जिल्ह्यावर बलुचिस्तान लिबरेशन आर्मीने ताबा मिळवला आहे. बलुचिस्तान लिबरेशन आर्मी (BLA) च्या सशस्त्र दलाने शहर ताब्यात घेतल्याचा दावा केला आहे. BLA ने स्थानिक लेव्हीज पोलिस ठाणे आणि एक बँक ताब्यात घेतली आहे.

सुरब शहरातील प्रमुख भागांवर BLA ने ताबा मिळवला आहे. क्वेटा-कराची आणि सुरब-गिद्दर महामार्गांवर शोध आणि कडक तपासणी केली जात आहे. जिल्ह्यात आणि आजूबाजूला कडक नाकेबंदी करण्यात आली आहे आणि येणाऱ्या-जाणाऱ्या प्रत्येक व्यक्तीवर लक्ष ठेवले जात आहे.परिस्थिती अत्यंत तणावपूर्ण आहे आणि या भागाशी संपर्क जवळजवळ तुटला आहे. आतापर्यंत सरकार किंवा सुरक्षा संस्थांकडून कोणतेही अधिकृत विधान आलेले नाही. बीएलएचे प्रवक्ते जियांद बलोच यांनी एका निवेदनात दावा केला आहे की त्यांच्या सैनिकांनी सुरब शहर पूर्णपणे ताब्यात घेतले आहे. त्यांनी सांगितले की स्थानिक बँका, लेव्ही आणि पोलिस ठाणी आता त्यांच्या ताब्यात आहेत. संघटनेकडून लवकरच सविस्तर निवेदन जारी केले जाईल.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.