खडीने भरलेला ट्रक ट्रॉलीसह उलटला, चालक किरकोळ जखमी

जामसंडे भटवाडी येथे पिंपळपार ते राममंदिर रस्त्याच्या संरक्षक भिंतीच्या कामासाठी खडी घेऊन आलेला ट्रॅक्टर ट्रॉलीसह उलटला. या अपघातात ट्रॅक्टर चालकाला किरकोळ दुखापत झाली असून सुदैवाने जीवितहानी टळली. हा अपघात शुक्रवारी सायंकाळी 4 वा. च्या सुमारास घडला.

घटनास्थळावरून मिळालेल्या माहितीनुसार, शुक्रवारी पावसाने उसंती घेतल्याने जामसंडे भटवाडी येथे पिंपळपार ते राममंदिर रस्त्याच्या सुमारे 300 मी. संरक्षक भिंतीचे काम सुरू होते. तेथे जाण्यासाठी भाई लाड यांच्या घरानजीकच अरुंद ‘पाणंद’ आहे. सायंकाळी 4 वा. च्या सुमारास तेथे खडी घेऊन गेलेला ट्रॅक्टर हा ट्रॉलीमधून खडी उतरविताना ट्रॉलीसह उलटला. मात्र, तेथे असलेल्या झाडाला ट्रॅक्टर अडकून स्थिरावल्याने मोठा अनर्थ टळला. या घटनेदरम्यान तेथे सुमारे दहा महिला व पुरुष कामगार काम करीत होते. चालकाला झालेल्या किरकोळ दुखापतीशिवाय सुदैवाने अन्य कोणालाही तेथे दुखापत झाली नाही. सुमारे दोन तासानंतर जेसीबीच्या सहाय्याने ट्रॅक्टर बाहेर काढण्यात आला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.