हुशार विद्यार्थ्याला तुम्ही संधी नाकारू शकत नाही, हायकोर्टाने सरकारला सुनावले

एमपीएससी परीक्षेत नापास केल्याने हायकोर्टात धाव घेतलेल्या उमेदवाराच्या याचिकेची दखल घेत मुंबई उच्च न्यायालयाने सरकारला फटकारले. हुशार विद्यार्थ्याला तुम्ही संधी नाकारू शकत नाही असे सुनावत हायकोर्टाने या प्रकरणी सरकारला सविस्तर प्रतिज्ञापत्र सादर करण्याचे आदेश दिले.

मोरेश्वर सोनटक्के यांनी बीए, एलएलबी 2017 ते 2022 दरम्यान पूर्ण केले. 2024 साली एमपीएससीने सिव्हिल जज आणि ज्युडीशीअल मॅजिस्ट्रेट फर्स्ट क्लास या पदासाठी जाहिरात काढली. या परीक्षेसाठी अर्ज भरत सोनटक्के यांनी 29 मार्च 2025 साली मेरिट मध्ये 29 वा क्रमांक मिळवला. एमपीएससीने जाहीर केलेल्या तात्पुरती निवड यादी 9 मे रोजी सादर केली मात्र त्यात याचिकाकर्त्यांचे नाव नव्हते याप्रकरणी चौकशी केली असता परीक्षेत पहिल्या प्रयत्नची अट पूर्ण न करण्यात आल्याने त्यांना अनुत्तीर्ण करण्यात आले. त्यामुळे याचिकाकर्त्यांनी अॅड. सुमित काटे, अॅड. आदित्य खारकर आणि गार्गी वारुंजीकर यांच्या मार्फत याचिका दाखल केली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.