‘उस्मानाबाद’च्या जागी ‘धाराशीव’ झळकणार

मध्य रेल्वे मार्गावरील उस्मानाबाद रेल्वे स्थानकाचे अखेर ‘धाराशीव’ रेल्वे स्थानक म्हणून नामांतर करण्यात आले आहे. पूर्वी ‘यूएमडी’ या स्टेशन कोडने ओळखले जाणारे स्थानक आता ‘डीआरएसव्ही’ या नवीन स्टेशन कोडने ओळखण्यात येणार आहे.

महाराष्ट्र सरकारने यापूर्वीच उस्मानाबाद शहर आणि जिह्याचे धाराशीव असे नामांतर केले आहे. मात्र रेल्वे स्थानकावर अद्याप उस्मानाबादच झळकत होते. अखेर रेल्वे स्थानकावरही उस्मानाबादच्या जागी धाराशीव झळकणार आहे. स्टेशनचे नवीन नाव आणि कोडला इंडियन रेल्वे कॉन्फरन्स असोसिएशनची मान्यता मिळाली आहे, अशी माहिती मध्य रेल्वे प्रशासनाने दिली आहे. दरम्यान, नावातील बदलाची अंमलबजावणी करण्यासाठी मुंबई पॅसेंजर रिझर्व्हेशन सिस्टम 1 जून रोजी रात्री 11.45 ते मध्यरात्री 1.30 वाजेपर्यंत बंद ठेवण्यात येणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.