राष्ट्रीय शहरी आरोग्य अभियान अंतर्गत मुंबई महापालिकेच्या कंत्राटदाराने 1200 कर्मचाऱ्यांना गेल्या तीन महिन्यांचे वेतन दिलेले नाही. हे वेतन तसेच इतर प्रलंबित मागण्या तातडीने पूर्ण कराव्यात नाही तर कर्मचारी, कामगार ठिय्या आंदोलन करतील, असा इशारा म्युनिसिपल कर्मचारी कामगार सेनेने पालिका आयुक्तांना दिला आहे.
मुंबई महापालिकेच्या सार्वजनिक आरोग्य खात्यात राष्ट्रीय शहरी आरोग्य अभियान अंतर्गत डी. एस. इंटरप्रायझेस पंत्राटदाराकडून परिचारिका, लॅब टेक्निशिअन्स, फार्मासिस्ट, डी. ओ. या अन्वये 1200 कर्मचारी पुरवण्यात येत आहेत. मागील आठ वर्षे या पंत्राटदाराकडून मुंबई महापालिकेच्या विविध आरोग्य केंद्रांमध्ये कामगार, कर्मचारी प्रामाणिक सेवा बजावत आहेत, मात्र तरीही कामगार, कर्मचाऱ्यांना अनेक समस्यांना सामोरे जावे लागत आहे.
मागील तीन महिन्यांपासून या 1200 कर्मचाऱ्यांना वेतन मिळालेले नाही. या कर्मचाऱ्यांची कौटुंबिक परिस्थिती अत्यंत हलाखीची असून दैनंदिन खर्च भागवणे कठीण जात आहे. याबाबत पालिका अधिकारी आणि पंत्राटदाराची भेट घेऊन कामगारांचा पगार देण्यासाठी निवेदने देण्यात आली, मात्र त्याकडे पालिका अधिकारी आणि या पंत्राटदारो लक्ष न दिलेले नाही. त्यामुळे येत्या 15 दिवसांत कर्मचाऱ्यांच्या तीन महिन्यांच्या थकीत पगारासह इतर मागण्या मान्य केल्या नाहीत तर ठिय्या आंदोलन केले जाईल, असा इशारा म्युनिसिपल कर्मचारी कामगार सेनेचे अध्यक्ष बाबा कदम यांनी दिला आहे.
कर्मचाऱ्यांच्या मागण्या
2018 सालापासून वार्षिक वेतनवाढ देण्यात यावी, महिला कर्मचाऱ्यांना प्रसूती रजा भरपगारी द्यावी, मुंबईतील सर्व डी. एस. कंपनीमार्फत नियुक्त कर्मचाऱ्यांना एनयूएचएम अभियानांतर्गत नियुक्ती देण्यात यावी, कंपनीमार्फत देण्यात येणारे इन्शुरन्स बंद करून त्याऐवजी राज्य सरकारचे कर्मचारी राज्य विमा निगम (ईएसआयसी) लागू करावे, बोनस (सानुग्रह अनुदान) द्यावे, नैमित्तिक रजा मिळावी.
Comment List