ज्वेलर्सच्या दुकानात हातसफाई करणाऱ्याला यूपीतून अटक

ज्वेलर्सच्या दुकानातील विंडो एसी काढून दुकानात प्रवेश करून सोन्याचे आणि चांदीचे दागिने चोरणाऱ्याला मालाड पोलिसांनी बेडय़ा ठोकल्या. मुकीम मोतीम खान असे त्याचे नाव आहे. पोलिसांना तपासादरम्यान मुकीम हा उत्तर प्रदेशला गेल्याची माहिती पोलिसांना मिळाली होती. त्यानुसार पोलिसांच्या पथकाने त्याचा माग काढत उत्तर प्रदेश गाठून त्याला अटक केली.

मालाड मामलेदार वाडी परिसरात असलेल्या ज्वेलर्सच्या दुकानाचा विंडो एसी काढून चोरटय़ाने दुकानात प्रवेश करून 5 लाखांचे दागिने घेऊन पळ काढला होता. याप्रकरणी दुकान मालकाने दिलेल्या तक्रारीवरून पोलिसांनी अज्ञात व्यक्तीविरोधात गुन्हा नोंद केला होता. परिमंडळ 11 चे पोलीस उपायुक्त आनंद भोईटे यांनी वरिष्ठ निरीक्षक विजय कुमार पन्हाळे सहायक पोलीस निरीक्षक दीपक रायवाडे, उप निरीक्षक तुषार सुखदेवे यांच्या पथकाला तपासाच्या सूचना दिल्या होत्या. या पथकाने 150 सीसीटीव्हींचा तपास करून चोरटय़ाचा माग काढला. त्यावेळी तो उत्तर प्रदेशात पळून गेल्याचे स्पष्ट झाले. त्यानंतर पोलिसांनी उत्तर प्रदेश गाठून मुकीमला अटक केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.