आठवडाभरापासून बेपत्ता असलेल्या देवगडमधील हिंदळे भंडारवाडी येथील इसमाचा मृतदेह आढळला आहे. अरुण साबाजी सावंत (57) असे मयत इसमाचे नाव आहे. गुरुवारी सायंकाळी 4.30 वाजण्याच्या सुमारास हिंदळे गावातील ‘भवानीचे कड’ या भागातील समुद्र किनारी खडकात सावंत यांचा मृतदेह कुजलेल्या स्थितीत आढळून आला. याप्रकरणी देवगड पोलीस ठाण्यात आकस्मिक मृत्यू करण्यात आली आहे.
पोलिसांनी दिलेल्या माहितीनुसार, हिंदळे सडेवाडी येथील आप्पा रामचंद्र सडेकर हे मयत झाले. त्यामुळे त्यांच्या कुटुंबाचे सांत्वन करण्यासाठी जातो, असे पत्नीला सांगून अरुण सावंत हे 23 मे रोजी सायंकाळी घरातून निघून गेले होते. ते उशिरापर्यंत घरी न परतल्याने त्यांचा शोध घेण्यात आला. मात्र, ते कुठेच न सापडल्याने ते बेपत्ता असल्याची फिर्याद त्यांचा मुलगा नितीन सावंत याने पोलीस स्थानकात दिली होती.
दरम्यान, गुरुवारी सायंकाळी 4.30 वाजण्याच्या सुमारास त्यांचा मृतदेह गावातील ‘भवानीचे कड’ या भागातील समुद्रकिनारी कुजलेल्या स्थितीत आढळून आला. घटनेची फिर्याद नितीन सावंत यांनी देवगड पोलीस स्थानकात दिली. घटनेचा तपास पोलीस उपनिरीक्षक महेश देसाई करीत आहेत.
Comment List