पालघर जिल्ह्यातील केळवे येथे एका रिसॉर्टमध्ये प्रियकराने अल्पवयीन प्रेयसीवर गोळीबार केल्याची खळबळजनक घटना समोर आली आहे. या घटनेत प्रेयसी गंभीर जखमी झाली असून तिच्यावर बोईसर रुग्णालयात उपचार सुरू आहेत. मुलीची प्रकृती चिंताजनक आहे. दरम्यान, बंदूक दाखवताना चुकून गोळी सुटल्याचा दावा तरुणाने केला आहे. पोलिसांनी तरुणाला ताब्यात घेतले आहे. या घटनेमुळे परिसरात खळबळ उडाली आहे.
बोईसर येथील रहिवासी असलेल्या 17 वर्षांची मुलगी प्रियकरासोबत केळवे येथील रिसॉर्टमध्ये आली होती. दुपारी 12.30 वाजण्याच्या सुमारास प्रियकराने तिच्यावर गोळी झाडली. मुलीच्या मानेवर ही गोळी लागल्याने प्रचंड रक्तस्राव सुरू झाला. माहिम येथील प्राथमिक आरोग्य केंद्रात तिच्यावर प्रथमोपचार करून पुढील उपचारासाठी तिला बोईसर येथील अधिकारी लाईफ लाईन रुग्णालयात नेण्यात आले. पोलीस या प्रकरणाची सखोल चौकशी करत आहेत.
.jpeg)
.jpeg)
Comment List