Chandrapur News – ताडोबाचे बफर झोन मोडून हत्ती गावात शिरले, गावकऱ्यांची झाली दमछाक; पाहा Video

चंद्रपूर जिल्ह्यातील सिंदेवाही तालुक्यात कुकडहेटी गावात शुक्रवारी (30 मे 2025) पहाटेच्या सुमारास दोन रानटी हत्ती आल्याने मोठी खळबळ उडाली होती. हत्तींनी जंगालातून थेट गावात प्रवेश केल्याने हत्तींना पाहण्यासाठी गावकऱ्यांनी गर्दी केली होती. गावकऱ्यांनी आरडाओरडा केल्याने हत्ती काहीसे आक्रमक झाले होते त्यामुळे गावकऱ्यांची चांगलीच दमछाक उडाली. या घटनेचा व्हिडीओ सध्या सोशल मीडियावर व्हायरल होत आहे.

चंद्रपूर जिल्ह्यातील सिंदेवाही तालुक्यात कुकडहेटी गावात शुक्रवारी (30 मे 2025) पहाटेच्या सुमारास दोन रानटी हत्ती आल्याने मोठी खळबळ उडाली होती. हत्तींनी जंगालातून थेट गावात प्रवेश केल्याने हत्तींना पाहण्यासाठी गावकऱ्यांनी गर्दी केली होती.#chandrapur #tadobanationalpark #elephant pic.twitter.com/rcJ8Km89gm

— Saamana Online (@SaamanaOnline) May 30, 2025

कुकडहेटी गावाला लागून ताडोबाचे बफर क्षेत्र आहे. या बफर क्षेत्राच्या बाहेर येत हत्तींनी पहाटे पहाटे गावात प्रवेश करत सर्वांनाच आश्चर्याचा धक्का दिला. हत्तींना पाहण्यासाठी गावकऱ्यांनी रस्त्यांच्या दुतर्फा गर्दी केली होती. मात्र, हत्ती आक्रमक झाले आणि गावकऱ्यांच्या दिशेन आल्याने गावकऱ्यांची चांगलीच पळापळ झाली. हत्ती गावात आल्याची माहिती तात्काळ वन विभागाला दिली आणि त्यांचे एक पथक घटनास्थळी दाखल झाले. वन विभागाचे पथक हत्तींना पुन्हा जंगलात हुसकावण्याचे प्रयत्न सुरू आहेत. मागील आठवड्यात गडचिरोली शहरामध्ये हत्तींनी प्रवेश केला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.