वांग्याची भाजी ही अशी भाजी आहे, जी अनेकांना आवडते. परंतु काही व्यक्ती मात्र या भाजीला नाक मुरडतात. वांग्याच्या भाजीपासून भरीत, भरली वांगी असे विविध प्रकार आपण बनवु शकतो. परंतु अनेकांना असे वाटते की, वांग्यामुळे मुतखडा होण्याचा धोका अधिक प्रमाणात वाढतो. त्यामुळेच वांग्याची भाजी आवडत असूनही खाल्ली जात नाही. तर वांग्याची भाजी ही प्रमाणात खाल्ल्यास मूतखडा होत नाही हे आता तज्ज्ञांनी सांगितले आहे.
वांग्यामध्ये फायबर, अँटीऑक्सिडंट्स, व्हिटॅमिन बी-12 आणि मॅग्नेशियम सारखे पोषक घटक असतात. ही कमी कॅलरी असलेली भाजी आहे. ही भाजी पचनासाठी उत्तम मानली जाते. यामुळे रक्तातील साखर नियंत्रित करण्यास मदत करते.
वांग्यामध्ये ऑक्सलेट नावाचे संयुग आढळते. ऑक्सलेट शरीरात प्रवेश करू शकते आणि कॅल्शियमसोबत एकत्र येऊन क्रिस्टल्स तयार करू शकते, ज्यामुळे पुढे मूतखडा होण्याची भीती असते.
ज्यांना आधीच किडनी स्टोनची समस्या आहे, त्यांनी जास्त ऑक्सलेट असलेले पदार्थ टाळणे महत्वाचे आहे.
आठवड्यातून किती प्रमाणात वांगी खाणे सुरक्षित आहे?
आठवड्यातून 2-3 वेळा वांगी खाणे सामान्य व्यक्तीसाठी सुरक्षित मानले जाते. परंतु जर तुमच्या कुटुंबात मूतखडा होण्याचा त्रास असेल तर, तुमच्या डॉक्टरांनी ते टाळण्याचा सल्ला दिला असेल तर डोस कमी करा.
तुम्हाला वांगी खायला आवडत असेल पण किडनी स्टोनचा धोका नको असेल, तर तुमच्या आहारात लिंबूपाणी समाविष्ट करा. जास्त पाणी प्या आणि मीठाचे सेवन कमी करा.
सामान्य प्रमाणात वांगी खाल्ल्याने कोणताही गंभीर धोका उद्भवत नाही. पण तुम्हाला स्टोनची समस्या असेल तर, वांग्यासोबत पालक, चॉकलेट आणि सोया खाणे हितावह आहे.
About The Author
Comment List