प्रेमासाठी वाट्टेल ते… पठ्ठ्याने गर्लफ्रेंडसाठी राजकुमारीला नाकारले

प्रेमात आकांत बुडालेल्या व्यक्तीला प्रेमाशिवाय दुसरे काहीच दिसत नाही, असे म्हणतात. स्पेनमध्ये याचा प्रत्यय नुकताच आला आहे. स्पेनचा स्टार फुटबॉलर पाब्लो गावीने गर्लफ्रेंड एना पेलायोसाठी स्पेनच्या राजकुमारीचा लग्नाचा प्रस्ताव धुडकावून लावल्याची चर्चा सध्या सोशल मीडियावर चांगलीच रंगली आहे. स्पेनमध्ये पाब्लो गावीचा मोठा चाहता वर्ग आहे. यात स्पेनची राजकुमारी लियोनोरचासुद्धा समावेश आहे. पाब्लो गावी हा बार्सिलोनाचा स्टार मिडफिल्डर खेळाडू आहे.

स्पेनने 2024 मध्ये युरो कप जिंकला. त्यात गावीचासुद्धा समावेश होता. जर्जुएला पॅलेस दौऱ्यात गावी आणि लियोनोर यांची भेट झाली होती. दोघांनी एकमेकांशी हस्तांदोलनसुद्धा केले होते. त्यानंतर अशी अफवा पसरली की, राजकुमारीचे वडील फेलिप यांनी आपल्या राजुकमारी मुलीसाठी गावीशी बोलणे केले, परंतु गावीने लियोनोरशी लग्न करू शकत नाही, असे स्पष्ट शब्दांत सांगितले. राजकुमारीसोबत विवाह केला तर फुटबॉलरचे करीअर उद्ध्वस्त होईल, अशी भीती गावीला होती. बार्सिलोनाने नुकतेच ला लीगाचा किताब जिंकला. त्यानंतर होम ग्राऊंडवर चाहत्यांसोबत विजय साजरा करण्यात आला. या वेळी त्याची गर्लफ्रेंड एना पेलायोसुद्धा दिसली. त्यामुळे पुन्हा एकदा राजकुमारीचे नाव चर्चेत आले.

कोण आहे एना पेलायो

स्टार फुटबॉलर पाब्लो गावीची गर्लफ्रेंड एना पेलायो ही 22 वर्षांची तरुणी असून ती एक विद्यार्थिनी आहे. तसेच इन्फ्लुएन्सर म्हणूनसुद्धा सोशल मीडियावर प्रसिद्ध आहे. फुटबॉलर गावीसोबत डेटिंग करत असल्यामुळे ती सध्या चांगलीच चर्चेत आली आहे. पेलायो सोशल मीडियावर वेगवेगळे व्हिडीओ शेअर करत असते. तिच्या व्हिडिओला चांगला प्रतिसादही मिळत आहे. पाब्लो गावीची बहीण आरोडा हिने सर्वात पहिल्यांदा या दोघांची भेट घडवून आणली होती. त्यानंतर दोघांच्या कुटुंबाचे सदस्य सोशल मीडियावर एकमेकांना फॉलो करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.