फ्लॅटमध्ये फर्निचरचे काम सुरू असताना क्षुल्लक वादातून अल्पवयीन मुलाने प्लायवूड कापण्याच्या कटरने सहकाऱ्याचा गळा चिरल्याची भयंकर घटना उघडकीस आली आहे. माणकोली येथील एका फ्लॅटमध्ये हा प्रकार घडला. कैसर अली असे हत्या झालेल्या कामगाराचे नाव आहे, तर नारपोली पोलिसांनी अल्पवयीन आरोपीला अटक करून त्याची रवानगी बालनिरीक्षणगृहात केली आहे.
ब्राह्मण आळी परिसरात राहणारे राहुल पारेख यांनी लोढा अप्पर ठाणे येथील कासा टिआरा या इमारतीमध्ये एक फ्लॅट्स खरेदी केला. या सदनिकेत फर्निचर बनवण्याचे काम सुरू आहे. बुधवारी सुतारकाम करणारा कैसर अली व त्याचा अल्पवयीन सहकारी हे काम करीत असताना त्यांच्यात क्षुल्लक कारणावरून वाद झाला.
हा वाद इतका विकोपाला गेला की अल्पवयीन मुलाने प्लायवूड कापण्याच्या कटरने कैसरचा गळा चिरला. या घटनेची माहिती मिळताच घरमालक राहुल पारेख यांनी नारपोली पोलीस ठाण्यात तक्रार दिली. पोलीस पथकाने घटनास्थळी धाव घेतली. घटनेचा पंचनामा करून अल्पवयीन आरोपीस ताब्यात घेऊन त्याची भिवंडी बालनिरीक्षणगृहात रवानगी केली. याचा अधिक तपास पोलीस निरीक्षक ज्ञानेश्वर कदम करीत आहेत.
Comment List