Norway chess 2025 – गुकेशने हिकारूला हरविले

बर्थ डे बॉय हिंदुस्थानच्या डी. गुकेशने लागोपाठच्या दोन पराभवांनंतर अखेर तिसऱ्या फेरीत अमेरिकेच्या हिकारू नाकामुरा याचा पराभव करीत नॉर्वे बुद्धिबळ स्पर्धेत विजयाचे खाते उघडले. द्वितीय मानांकित हिकारूला हरवून तीन गुणांची कमाई करीत जगज्जेत्या गुकेशने स्पर्धेत जोरदार पुनरागमन केले.

गुकेशला पहिल्या फेरीत यजमान नॉर्वेच्या मॅग्नस कार्लसनने, तर दुसऱ्या फेरीत हिंदुस्थानच्याच अर्जुन एरिगॅसी याने हरविले होते, मात्र पराभवाची कोंडी फोडून गुकेश पुन्हा एकदा विजयरथावर स्वार झाला. या विजयासह तो गुणतक्त्यात पाचव्या स्थानावर आला. अमेरिकेचा फॅबियानो कारूयाना अव्वल स्थानावर आहे. याच फॅबियानोविरुद्ध गुकेश चौथ्या फेरीत भिडणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.