आम्ही हल्ला करायच्या आधीच हिंदुस्थानने ब्रह्मोस मिसाईलने हल्ले केले, पाकिस्तानी पंतप्रधानांची कबूली

ऑपरेशन सिंदूरबाबत पाकिस्तानचे पंतप्रधान शाहबाज शरीफ यांनी अझरबैजान येथे एक मोठं वक्तव्य केलं आहे. ”आम्ही हिंदुस्थानवर हल्ला करणार होतो मात्र त्याआधीच हिंदुस्थानने 9-10 मे च्या मध्यरात्री रावळपिंडीतील विमानतळ व इतर प्रमुख लष्करी तळांवर ब्राह्मोस क्षेपणास्त्रे डागली. हिंदुस्थानच्या या हल्ल्याबाबत आम्हाला कल्पना नव्हती”, अशी कबूली पाकिस्तानचे राष्ट्राध्यक्ष शाहबाज शरीफ यांनी दिली आहे.

अझरबैजान हा देश हिंदुस्थान पाकिस्तान तणावाच्या वेळी पाकिस्तानच्या बाजूने होता. या देशात आयोजित एका कार्यक्रमात बोलताना शरीफ यांनी ही माहिती दिली. ”आमचे लष्कर प्रमुख असिम मुनीर यांनी 10 मे रोजी सकाळच्या नमाजानंतर हिंदुस्थानवर हल्ला करण्याची योजना आखली होती. मात्र पहाट होण्याच्या आधीच लांब पल्ल्याची सुपरसॉनिक ब्राह्मोस क्रूझ क्षेपणास्त्रे पाकिस्तानच्या वेगवेगळ्या प्रांतांमध्ये डागण्यात आली”, असे शाहबाज म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.