न्यायमूर्ती अतुल चांदुरकर सुप्रीम कोर्टाचे न्यायमूर्ती बनणार; केंद्र सरकारने दिली मंजुरी

मुंबई उच्च न्यायालयाचे न्यायमूर्ती अतुल चांदूरकर यांना सर्वोच्च न्यायालयाचे न्यायाधीश म्हणून बढती देण्याची अधिसूचना सरकारने गुरुवारी जारी केली. न्यायमूर्ती चांदूरकर हे निवृत्तीपर्यंत म्हणजेच 6 एप्रिल 2030 पर्यंत सर्वोच्च न्यायालयाचे न्यायाधीश म्हणून काम करतील. सर्वोच्च न्यायालयात उद्या तीनही नवीन न्यायाधीश शपथ ग्रहण करणार आहेत.

देशाचे मुख्य न्यायाधीश (सीजेआय) भूषण गवई यांच्या नेतृत्वाखालील सर्वोच्च न्यायालयाच्या कॉलेजियमने 26 मे रोजी मुंबई उच्च न्यायालयाचे वरिष्ठ न्यायाधीश न्यायमूर्ती चांदुरकर यांच्यासह कर्नाटक आणि गुवाहाटी उच्च न्यायालयाचे मुख्य न्यायाधीश एन व्ही अंजारिया आणि विजय बिश्नोई यांच्या नियुक्तीची शिफारस केल्यानंतर केंद्र सरकारने ही अधिसूचना जारी केली.

सर्वोच्च न्यायालयाचे न्यायाधीश न्यायमूर्ती अभय ओक हे 24 मे रोजी निवृत्त झाले. त्यांच्या निवृत्तीनंतर दोन दिवसांनी कॉलेजियमने ही शिफारस केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.