दरवर्षी पावसाळ्यामध्ये डेंग्यू मलेरियाचे रुग्ण वाढतात. म्हणूनच या तापामधून लवकर बरे होण्यासाठी आपल्या आहारामध्येही बदल करणे हे खूप गरजेचे आहेत. डेंग्यू तापाच्या प्रतिबंधाबद्दल जागरूकता पसरवण्यासाठी दरवर्षी राज्य सरकार आणि केंद्र सरकारकडून अनेक मोहिमा राबवल्या जातात. पण तरीही लोक डेंग्यूला बळी पडतात. तुम्हाला किंवा तुमच्या कुटुंबातील एखाद्याला डेंग्यू झाला असेल तर काळजी घेतली पाहिजे. जेणेकरून बाधित व्यक्ती पूर्णपणे बरी होईल.
डेंग्यूपासून बचाव करण्यासाठी वेळेवर औषधांव्यतिरिक्त, तुमचा आहार डेंग्यूपासून बरे होण्यासाठी खूप महत्वाची भूमिका बजावतो.
पपईच्या पानांचा रस
पपईच्या पानांचा रस हा डेंग्यू तापासाठी सर्वात जास्त वापरल्या जाणाऱ्या घरगुती उपचारांपैकी एक आहे. पपईच्या पानांचा रस तापावर प्रभावीपणे मात करतो आणि तुम्हाला आतून बरे करण्यास मदत करतो. यासोबतच प्लेटलेट काउंट वाढवते आणि तुमची रोगप्रतिकारक शक्ती वाढवते. हा उपाय करून पाहण्यासाठी ताजी पपईची पाने घ्या, त्यात थोडे पाणी घाला आणि त्याचा रस काढा. डेंग्यूपासून लवकर बरे होण्यासाठी तुम्ही हे दिवसातून दोनदा पिऊ शकता.
भाजीपाला रस
ताज्या भाज्यांच्या रसात आवश्यक पोषक तत्वे भरपूर असतात. तुमच्या आवडीच्या भाज्या घालून तुम्ही ते सहज तयार करू शकता. व्हिटॅमिन सीचे प्रमाण वाढवण्यासाठी आणि रसाची चव वाढवण्यासाठी तुम्ही त्यात लिंबाचा रस देखील घालू शकता.
हर्बल टी
हर्बल टी अनेक पोषक तत्वांनी परिपूर्ण आहे आणि तुमच्या आरोग्यासाठी देखील खूप फायदेशीर आहे. त्याच्या फायदेशीर परिणामांसाठी तुम्ही त्यात वेलची, आले आणि अगदी दालचिनी देखील घालू शकता. हर्बल चहाचा ताजा स्वाद तुमच्या मनाला ताजेतवाने करतो आणि डेंग्यूपासून लवकर बरे होण्यास मदत करतो.
कडुलिंबाच्या झाडाची पाने
कडुलिंबाची पाने औषधी गुणधर्मांनी समृद्ध असतात आणि डेंग्यूच्या रुग्णांसाठी अत्यंत फायदेशीर असतात. कडुलिंबाचा रस विषाणूची वाढ आणि प्रसार नियंत्रित करण्यास मदत करतो, ज्यामुळे तुम्हाला जलद बरे होण्यास मदत होते.
हळद
हळद अँटीसेप्टिक आणि मेटाबॉलिझम बूस्टर गुणधर्मांनी परिपूर्ण आहे. आरोग्य तज्ञ डेंग्यूग्रस्त लोकांना हळदीचे दूध पिण्याचा सल्ला देतात कारण ते त्यांना लवकर बरे होण्यास मदत करते. जर तुम्हाला हळदीचे दूध आवडत नसेल तर तुम्ही हळदीचे पाणी देखील पिऊ शकता.
आवळा
आवळा हा व्हिटॅमिन सीचा खूप चांगला स्रोत आहे. यामुळे आपली रोगप्रतिकारक शक्ती वाढते, तसेच यामध्ये व्हिटॅमिन ए भरपूर प्रमाणात असते. यामुळे प्लेटलेट्स तयार करण्यास मदत होते. अँटी-ऑक्सिडंट्सचे प्रमाण आवळ्यात जास्त असते आणि ते ऑक्सिडेटिव्ह तणावाचे परिणाम कमी करते.
चिकन सूप
सर्दी आणि फ्लूची लक्षणे रोखण्यासाठी चिकन सूप फार महत्त्वाची भूमिका बजावते. चिकन सूपमुळे सर्दी फ्लूच्या लक्षणांवर मात करता येते.
Comment List