‘मी तुझा बाप आहे हे कुणालाही सांगू नकोस’, बॉलिवूडच्या खलनायकाला नेमकी कशाची भीती वाटत होती

हिंदी चित्रपटसृष्टीमध्ये आजही अजित या अभिनेत्याची खलनायक म्हणून लोकप्रियता कायम आहे. या दिग्गज अभिनेत्याचा ‘मोना डार्लिंग’ हा संवाद काही दशकानंतर आजही प्रसिद्ध आहे. अजित यांची सर्वात लक्षात राहिलेली व्यक्तिरेखा म्हणजे “लायन”. अजित (हमीद अली खान) यांनी १९७० च्या हिंदी चित्रपटसृष्टीत रुपेरी पडद्यावर राज्य केले. कालीचरण, जंजीर, यादों की बारात मधून त्यांना खूप प्रसिद्धी मिळाली. अजित यांचा मुलगा शहजाद खानलाही त्याच्या वडिलांप्रमाणे अभिनेता व्हायचे होते. परंतु वडिलांनी त्याला अभिनय कारकीर्द घडवण्यास मदत केली नाही. शहजाद खानने अलिकडेच दिलेल्या एका मुलाखतीत त्याच्या वडिलांबद्दल अनेक धक्कादायक खुलासे केले आहेत.

लेहरान रेट्रोशी बोलताना शहजाद म्हणाला, “माझ्या अभिनय कारकिर्दीबाबत मला माझ्या वडिलांकडून कधीही पाठिंबा मिळाला नाही.” प्रचंड प्रभाव असूनही, अजितने स्पष्ट केले की तो त्याचा मुलगा शहजादची शिफारस इंडस्ट्रीतील कोणालाही करणार नाही. त्याने शहजादला त्यांचे वडील-मुलाचे नाते लपवण्याचा सल्लाही दिला. “त्यांनी मला सांगितले की, ते कधीही माझ्यासाठी चित्रपट बनवणार नाही आणि मला कोणत्याही दिग्दर्शक किंवा निर्मात्याकडे पाठवणार नाही,” यावर अधिक बोलताना, शहजाद म्हणतो, “मला वाटतं माझे वडील थोडे असुरक्षित होते. मी त्यांना शोभेल असे वागलो नाही तर, त्यांच्या नावाला धक्का लागेल अशी त्यांना भीती वाटत असावी.”

कोणताही शॉर्टकट नसताना, शहजादने चिकाटीने काम केले आणि अखेर ‘अंदाज अपना अपना’ आणि ‘कयामत से कयामत तक’ आणि ‘भारत’ सारख्या चित्रपटांमध्ये भल्लाची भूमिका साकारून सर्वांची मने जिंकली.