लिफ्टमध्ये शेजाऱ्याला कुत्रा चावला; मालकाला सात वर्षांनंतर तुरुंगवास दंडाधिकाऱ्यांनी ठोठावला चार हजारांचा दंड

लिफ्टमध्ये शेजाऱ्याला कुत्रा चावल्याप्रकरणी पुत्र्याच्या मालकाला येथील दंडाधिकारी न्यायालयाने दणका दिला आहे. ऋषभ पटेल असे त्या पुत्र्याच्या मालकाचे नाव असून याप्रकरणी दंडाधिकाऱ्यांनी त्याला दोषी ठरवत चार महिन्यांच्या सश्रम तुरुंगवासाची शिक्षा ठोठावली. तब्बल सात वर्षांनी या खटल्याचा निकाल लागला असून भरपाई म्हणून चार हजार रुपये पटेल याने तक्रारदाराला सुपूर्द करण्याचे आदेश दंडाधिकाऱ्यांनी दिले आहेत.

वरळी येथील तक्रारदार रमिक शाह त्यांच्या दीड वर्षाच्या मुलासह आणि नोकरासह लिफ्टमधून खाली जात असताना ऋषभ पटेल यांनी त्यांच्या पुत्र्यासह आत जाण्याचा प्रयत्न केला. लहान मुलगा कुत्र्याला घाबरत असल्याने शाह यांनी पटेल यांना बाहेर थांबण्याची विनंती केली, परंतु पटेल यांनी त्याकडे लक्ष दिले नाही. दरम्यान कुत्र्याने लिफ्टमध्ये शाह यांच्या डाव्या हाताला चावा घेतला. त्यानंतर शाह यांनी वरळी पोलीस ठाण्यात तक्रार दाखल केली.

न्यायालय काय म्हणाले

आरोपीला माहिती शहा यांची व त्यांच्या मुलाची पर्वा नव्हती. मुळात लिफ्ट मानवी वापरासाठी असतानाही आरोपीने स्वतःच्या पाळीव प्राण्याला लिफ्टमधून नेले. त्यामुळे पटेल सूट मिळण्यास पात्र नसल्याचे नमूद करत दंडाधिकारी सुहास भोसले यांनी आरोपी पटेल याला चार महिन्यांच्या सक्तमजुरीची शिक्षा सुनावली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.