मुंबईतील न्यायमूर्ती चांदूरकर यांची सर्वोच्च न्यायालयात नियुक्तीची शिफारस

सर्वोच्च न्यायालयाने न्यायमूर्तींचे संख्याबळ वाढवण्याच्या दृष्टीने सोमवारी तीन न्यायमूर्तीच्या नियुक्तीची शिफारस केली. त्यामध्ये मुंबई उच्च न्यायालयातील वरिष्ठ न्यायमूर्ती अतुल चांदूरकर यांचे सर्वोच्च न्यायालयाचे न्यायमूर्ती म्हणून नाव सुचवण्यात आले आहे. सरन्यायाधीश भूषण गवई यांच्या अध्यक्षतेखालील कॉलेजियमने तीन न्यायमूर्तींच्या पदोन्नतीची शिफारस केली आहे.

न्यायमूर्ती अतुल चांदूरकर हे मागील काही वर्षांपासून मुंबई उच्च न्यायालयात न्यायदानाचे काम करत आहेत. त्यांच्या नियुक्तीने सर्वोच्च न्यायालयातील महाराष्ट्रीयन न्यायमूर्तींच्या संख्येत भर पडणार आहे. न्यायमूर्ती अतुल चांदूरकर यांच्यासह कर्नाटक उच्च न्यायालयाचे न्यायमूर्ती एन व्ही अंजरीया, गुवाहाटी उच्च न्यायालयाचे न्यायमूर्ती विजय बिष्णोई यांचीही सर्वोच्च न्यायालयाच्या न्यायमूर्ती पदी शिफारस करण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.