टू जी घोटाळ्याची फाईल पुन्हा उघडली

टू जी घोटाळाप्रकरणी माजी दूरसंचार मंत्री ए. राजा आणि इतर 16 जणांची मुक्तता करण्याविरुद्ध सीबीआयने सहा वर्षांपूर्वी केलेले एक अपिल आज दिल्ली उच्च न्यायालयाने दाखल करून घेतले.

या प्रकरणात खालच्या कोर्टाने दिलेल्या निकालात काही परस्परविरोधी बाबी असून त्यांची सखोल तपासणी व्हायला हवी, असेही याचिका दाखल करून घेताना हायकोर्टाने म्हटले आहे. युक्तीवादांचा विचार केल्यावर सर्व पुराव्यांची सखोल तपासणी आणि फेरविश्लेषण आवश्यक असल्याचे सकृतदर्शनी दिसून येते, असे न्या. दिनेश कुमार शर्मा यांनी सांगितले. या प्रकरणात सीबीआय आणि ईडीने दाखल केलेल्या खटल्यांमधून ए. राजा, द्रमुक खासदार कनिमोझी आणि इतरांची विशेष न्यायालयाने 21 डिसेंबर, 2017 रोजी मुक्तता केली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.