लोकसभा निवडणुकीमुळे सीईटीच्या तारखांत बदल

लोकसभा निवडणुकीमुळे सीईटी सेलने परीक्षांच्या तारखांत बदल केला आहे. एप्रिल आणि मे महिन्यात होत असलेल्या 8 अभ्यासक्रमांच्या सीईटीच्या तारखांत बदल केला आहे. पीजीपी-/एम.एस्सी/एम.एमसी(पी अँड ओ) या सीईटीच्या तारखा नंतर जाहीर करण्यात येणार आहेत.

सीईटी सेलने सुधारित वेळापत्रक वेबसाईटवर जाहीर केले असून सुमारे सात लाख विद्यार्थ्यांनी नोंदणी केलेली एमएचटी सीईटी यापूर्वी 16 एप्रिलला होणार होती आणि 30 एप्रिलला संपणार होती. आता ही परीक्षा 22 एप्रिलनंतर होणार आहे. पीसीबी गटाची परीक्षा 22, 23, 24, 28, 29, 30 एप्रिल या तारखांना, तर पीसीएम गटाची परीक्षा 2, 3, 4, 5 मे, 9, 10, 11 मे, 15, 16 मे रोजी होणार आहे. एएसी सीईटीची त्याच तारखेला म्हणजे 12 मे रोजीच होणार आहे. बीए/बीएस्सी, बीएड (4 वर्षांचा इंटिग्रेटेड कोर्स)ची सीईटी 2 मे रोजी होणार होती. ती आता 17 मे रोजी होणार आहे. एमएएचएलएलबी (पाच वर्षे) ही परीक्षा 3 मे रोजी होणार होती. आता नव्या तारखेनुसार 17 मे रोजी होणार आहे. सुधारित वेळापत्रकांची माहिती विद्यार्थ्यांनी घेऊनच परीक्षेला उपस्थित राहावे, असे आवाहन सीईटी सेलने केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.