लालूंचा शिस्तीचा बडगा! तेज प्रतापची पक्षातून हकालपट्टी, कुटुंबातूनही बेदखल

राष्ट्रीय जनता दलाचे सर्वेसर्वा लालू प्रसाद यादव यांनी मोठा मुलगा तेज प्रताप यादव याला पक्षातून सहा वर्षांसाठी निलंबित केले असून कुटुंबातूनही बेदखल केले आहे. बेजबाबदार वर्तन आणि काैटुंबिक मूल्ये तसेच सार्वजनिक जीवनातील शिष्टाचारापासून तेज प्रताप विचलीत झाल्यामुळे हा निर्णय घेतल्याचे लालू प्रसाद यादव यांनी म्हटले आहे. तेज प्रताप यादव यांनी शनिवारी फेसबुकवर एक पोस्ट लिहिली होती. त्यात त्यांनी अनुष्का यादव नामक महिलेशी प्रेमसंबंध असून 12 वर्षांपासून आपण एकत्र असल्याचा दावा केला होता. त्यानंतर काही वेळातच त्यांनी ही पोस्ट हटवली. मात्र या पोस्टमुळेच तेज प्रताप यांच्यावर लालूंनी शिस्तीचा बडगा उगारला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.