IPL 2024 : ऋतुराजच्या चेन्नईने मैदान मारलं, दुबे-जडेजाची तुफान खेळी

आयपीएलच्या सतराव्या हंगामाला चेन्नईच्या एम.चिन्नास्वामी स्टेडीअमवर मोठ्या उत्साहात सुरुवात झाली. सलामीचा सामना चेन्नई विरुद्ध बंगळुरू यांच्यात रंगला. अटीतटीच्या लढतीत चेन्नईने बंगळूरुचा परभाव केला.

मोठ्या दिमाखात उद्घाटन सोहळा पार पडल्यानंतर नाणेफेकीचा कौल बंगळुरूने जिंकला. नाणेफेक जिंकल्यानंतर बंगळुरूने प्रथम फलंदाजी करण्याचा निर्णय घेतला. विराट कोहली आणि ड्यु प्लेसिस ही ओपनिंगची जोडी फलंदाजीसाठी मैदानात उतरली. दोघांनीही आक्रमक खेळ करत संघाला चांगली सुरुवात करुन दिली. चेन्नईसाठी घातक ठरत चालेली कोहली आणि ड्यु प्लेसिसची जोडी मुस्तफिजूरने फोडली. 41 या धावसंख्येवर बंगळुरूची पहिली विकेट ड्यु प्लेसिसच्या स्वरुपात पडली. कर्णधात ड्यु प्लेसिसने 8 चौकार ठोकत 35 धावा केल्या. त्यानंतर आलेल्या रजत पाटीदार आणि मैक्सवेल यांना भोपळा सुद्धा फोडता आला नाही. विराट कोहली (21), ग्रीन (18) यांना मोठी धावसंख्या उभारण्यात यश आले नाही. अवघ्या 78 या धावसंख्येवर बंगळुरूचा अर्धा संघ तंबुत परतला होता. अनुज रावत आणि दिनेश कार्तिक यांनी संघाचा डाव सावरला. दोघांनी केलेल्या संयमी खेळीमुळे बंगळुरूला 173 ही समाधानकारक धावसंख्या उभारता आली. अनुज रावतने 3 षटकार आणि 4 चौकारांच्या मदतीने 48 धावा केल्या. अनुजला अनुभवी कार्तिकने मोलाची साथ दिली. कार्तिकने 2 षटकार आणि 3 चौकरांच्या जोरावर 38 धावा केल्या. चेन्नईकडून मुस्तफिजूरने सर्वाधिक 4 विकेट घेतल्या तर वेगवान गोलंदाज चहरला 1 विकेट घेण्यात यश आले.

174 धावांचा पाठलाग करण्यासाठी उतरलेल्या चेन्नईची सुरुवात मात्र चांगली झाली नाही. कर्णधार ऋतुराज 15 धावा करुन माघारी परतला. त्यानंतर आलेल्या अजिंक्य रहानेने रचिन रविंद्रच्या जोडीने संघाचा डाव सावरण्याचा प्रयत्न केला. चांगल्या लयीत असणाऱ्या रचिनला (37) करण शर्माने आपल्या फिरकीच्या जाळ्यात अडकवले. वेगवान गोलंदाज ग्रीनने बंगळुरूसाठी डोकेदुखी ठरत चालेलल्या अजिंक्य रहाणे (27) आणि मिचेल (22) यांना बाद करत सामना बंगळुरूच्या बाजूने खेचण्याचा प्रयत्न केला. 110 या धावसंख्येवर चेन्नईने 4 विकेट गमावल्या होत्या. त्यानंतर आलेल्या शिवम दुबे आणि रविंद्र जडेजाने संघाची सुत्र आपल्या हातात घेत विजयी खेळी केली. शिवम दुबेने 4 चौकार आणि 1 षटकाराच्या मदतीने 34 धावा केल्या तर, जडेजाने त्याला मोलाची साथ देत 25 धावा केल्या. दोघेही नाबाद राहिले आणि चेन्नईला विजय मिळवून दिला. बंगळुरूकडून कॅमरुन ग्रीन 2 विकेट तर कर्ण शर्मा आणि यश दयाल यांना अनुक्रमे एक-एक विकेट मिळाली.