लोकसभेच्या उमेदवारीसाठी स्वरा भास्कर इच्छुक? काँग्रेस पक्षाकडून लढण्याची शक्यता

देशातील विविध विषयांवार बेधडक व्यक्त होणारी अभिनेत्री स्वरा भास्कर राजकारणात येऊ शकते. या लोकसभा निवडणुकीत ती महाराष्ट्रातील महत्त्वाच्या जागेवरून निवडणूक लढवणार असल्याचे मानले जात आहे.

स्वरा भास्करबद्दल बोलले जात आहे की, स्वरा दिल्लीतील काँग्रेस हायकमांडच्या संपर्कात आहे. सूत्रांनी दिलेल्या माहितीनुसार, काँग्रेसच्या वरिष्ठ नेत्यांनी स्वरा भास्करच्या नावावर विचार करण्याबाबत आश्वासन दिले आहे. स्वरा भास्कर अनेकदा केंद्र सरकारवर टीका करताना दिसली आहे. 2020 मध्ये, तिने महाराष्ट्रात CAA विरोधात आयोजित केलेल्या जाहीर सभेतही सहभाग घेतला होता.त्यामध्ये काँग्रेसचे वरिष्ठ नेतेही उपस्थित होते. एवढेच नाही तर अलीकडेच ती राहुल गांधींच्या भारत जोडो न्याय यात्रेतही दिसली होती. स्वरा भास्करचा नवरा फहाद अहमद देखील राजकारणात सक्रीय आहे. तो समाजवादी पार्टीची युवा शाखा, समाजवादी युवा सभेचे राज्य (महाराष्ट्र) अध्यक्ष आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.