निवडणूक आयोगाने लोकसभा निवडणुकीची घोषणा करताच देशातील राजकारण तापले आहे. भाजपने निवडणुकीसाठी आधीपासूनच तयारी केली असली ओडिशात मोठा झटका बसला आहे. ओडिशात लोकसभा निवडणुकीसाठी भाजप आणि मुख्यमंत्री नवीन पटनायक यांच्या बीजू जनता दलातील युतीची चर्चा निष्फळ ठरली आहे. यामुळे मोठा ओडिशात भाजपला स्वबळावर निवडणूक लढवण्याची वेळ आली आहे. ओडिशा स्वबळावर निवडणूक लढवणार असल्याचे भाजपने जाहीर केले आहे.
लोकसभा निवडणुकीत युती करण्यासाठी भाजप आणि बीजू जनता दलात गेल्या काही दिवसांपासून चर्चा आणि बैठका सुरू होत्या. दोन्ही पक्षांत युती होईल आणि एकत्र निवडणूक लढवणार, अशी जोरदार चर्चा होती. पण बीजेडी सोबतची चर्चा निष्फळ ठरली आणि भाजपने स्वबळावर निवडणूक लढवणार असल्याचे जाहीर केले.
ओडिशात यंदा लोकसभा निवडणुकीसह विधानसभेचीही निवडणूक होणार आहे. ओडिशात लोकसभेच्या 21 जागा आहेत. तर विधानसभेच्या 147 जागा आहेत. या निवडणुकांसाठी भाजप आणि बीजेडीमध्ये युती होणार अशी जोरदार चर्चा होती. लोकसभा निवडणुकीच्या जागावाटपात भाजपला अधिक जागा आणि विधानसभा निवडणुकीच्या जागावाटपात बीजेडीला अधिक जागा देण्याच्या आधारावर दोन्ही पक्षांमध्ये चर्चा सुरू होती. पण दोन्ही पक्षांतील चर्चा फिस्कटली आहे.
युती न झाल्याने आता भाजप नेत्यांचा जळफळाट झाला आहे. ओडिशातील भापजचे प्रदेशाध्यक्ष मनमोहन सामल यांनी ट्विट करून राज्यातील बीजेडीचे मुख्यमंत्री नवीन पटनायक यांच्या सरकार टीका केली आहे. ज्या राज्यांमध्ये डबल इंजिन सरकार आहे तिथे विकास आणि गरीब कल्याण कामे वेगाने होत आहेत. पण ओडिशात मोदी सरकारच्या अनेक कल्याणकारी योजना प्रत्यक्षात पोहोचत नाहीयेत. यामुळे ओडिशातील गरीब मात भगीनींना त्यांचा लाभ मिळत नाहीये, असे म्हणत भाजपने आपला जळफळाट व्यक्त केला आहे.
.jpeg)
Comment List