छत्तीसगडमधील सुकमा जिल्ह्यात सुरक्षा दलाकडून माओवाद्यांविरोधात कारवाई सुरू आहे. यादरम्यान सुरक्षा दल आणि माओवाद्यांमध्ये झालेल्या चकमकीत सीआरपीएफचा कोब्रा बटालियनचा एक जवान शहीद झाला. या कारवाईत एका माओवाद्याचाही खात्मा करण्यात आला आहे. सुकमा जिल्ह्यातील तुमरेल गावच्या हद्दीच माओवाद्यांविरोधात कारवाई सुरू आहे.
सीआरपीएफची कोब्रा 210 वी बटालियन या कारवाईचे नेतृत्व करत आहे. या कारवाईत छत्तीसगड पोलीस डीआरजी आणि एसटीएफचे जवानही सहभागी असल्याचे अधिकाऱ्यांनी सांगितले. या कारवाईत एक कोब्रा कमांडो जखमी झाल्याची माहिती मिळते. जखमी जवानाला बाहेर काढण्यासाठी आयएएफचे हेलिकॉप्टर तैनात करण्यात आले आहे, असे अधिकाऱ्यांनी सांगितले.
माओवाद्यांच्या प्रभावाखाली असलेल्या राज्यांमध्ये प्रमुख दल म्हणून काम करणारी कमांडो बटालियन फॉर रिझोल्यूट अॅक्शन (कोब्रा) ही केंद्रीय राखीव पोलीस दलाची (सीआरपीएफ) विशेष जंगल युद्धकेंद्र आहे.
.jpeg)
Comment List