सलमान खानच्या घरात घुसू पाहणाऱ्या तरुण तरुणीला अटक

बॉलिवूडचा भाईजान सलमान खान याला बिश्नोई गँगकडून जीवे मारण्याची धमकी आल्यापासून त्याच्या सुरक्षेत मोठ्या प्रमाणात वाढ करण्यात आली आहे. मात्र सुरक्षेचा कडक बंदोबस्त असतानाही एक तरुण सलमान खानच्या गॅलेक्सी अपार्टमेंटमध्ये घुसला, तो लिफ्टपर्यंत पोहोचलाही त्यानंतर त्याला पोलिसांनी ताब्यात घेतले. या तरुणासोबत एक तरुणी देखील सलमानच्या प्रवेश करायचा प्रयत्न करत होती.

जितेंद्र कुमार सिंग (23) आणि इशा छाब्रा (32) असे अटक झालेल्या तरुण तरुणीचे नाव आहे, दोघेही मूळचे छत्तीसगढचे आहेत. जितेंद्र सिंग यांने सलग दोन दिवस सलमान खानच्या गॅलेक्सी अपार्टमेंटमध्ये घुसण्याचा प्रयत्न केला. एकदा तो घुसण्याच्या प्रयत्नात असताना सुरक्षा रक्षकांनी त्याला हाकलून लावले. त्यानंतर दुसऱ्या दिवशी तो त्या अपार्टमेंटमध्ये राहणाऱ्या एका व्यक्तीच्या गाडीत घुसून इमारतीच्या आत घुसला. तिथून तो लिफ्टपर्यंतही पोहोचला मात्र पुन्हा एकदा सुरक्षा रक्षकांनी त्याला पकडले.

. दरम्यान त्याला व त्याच्या सोबत असलेल्या तरुणीला सुरक्षा रक्षकांनी पोलिसांच्या ताब्यात दिले आहे. जितेंद्र व इशा विरोधात वांद्रे पोलीस ठाण्यात गुन्हा दाखल करण्यात आला आहे. तसेच जितेंद्र त्या कारमध्ये कसा घुसला याचीही चौकशी सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.