बॉलिवूड अभिनेत्री प्रीती झिंटा आयपीएल टीम पंजाब किंग्जची मालकीण आहे. आयपीएल 2025 दरम्यान ती वारंवार स्टेडियममध्ये दिसत होती. त्याच वेळी,अभिनेत्री सोशल मीडिया प्लॅटफॉर्म X वर खूप सक्रिय देखील होती. प्रीती अनेकदा PZchat वापरते. एका चाहत्याने तिला सोशल मीडियावर एक प्रश्न विचारला ज्यानंतर ती प्रचंड संतापलेली दिसली.. प्रीती झिंटाने त्या चाहत्याला उत्तर देत चांगलंच फटकारलं आहे.
‘तुम्ही हा प्रश्न सर्व पुरुष टीमला विचाराल का?
पीझेडचॅट सत्रादरम्यान, एका चाहत्याने प्रीती झिंटाला विचारलं ‘मॅडम, मॅक्सवेलचे तुमच्याशी लग्न झाले नाहीये का? म्हणूनच तो तुमच्या संघात चांगला खेळला नाही?’ चाहत्याच्या या प्रश्नावर अभिनेत्री संतापली. त्यावर तिने उत्तर देत म्हटलं की, ‘तुम्ही हा प्रश्न सर्व पुरुष टीमला विचाराल का? की हा भेदभाव फक्त महिलांसाठीच आहे?’ मी क्रिकेटमध्ये येईपर्यंत मला कधीच माहित नव्हते की महिलांसाठी कॉर्पोरेट सेटअपमध्ये टिकून राहणे किती कठीण आहे.”
‘मला जो आदर मिळायला हवा तो द्या’ प्रीती झिंटाने पुढे लिहिले – ‘मला खात्री आहे की तुम्ही हा प्रश्न विनोदाने विचारला असेल, पण मला आशा आहे की तुम्ही तुमच्या प्रश्नाकडे खरोखर पहाल आणि तुम्ही काय म्हणण्याचा प्रयत्न करत आहात ते समजू शकाल कारण जर तुम्हाला खरोखरच समजले असेल की तुम्ही जे काही म्हणण्याचा प्रयत्न करत आहात ते चांगलं नाहीये. मला वाटतं की मी गेल्या 18 वर्षात माझी स्वतःची ओळख निर्माण करण्यासाठी खूप मेहनत घेतली आहे, म्हणून कृपया मला माझा योग्य आदर द्या आणि लिंगभेद थांबवा. धन्यवाद.” असं म्हणत तिने त्या चाहत्याला चांगलंच सुनावलं.
Will you ask this question to the male team owners of all teams, or is this discrimination just towards the women? I never knew how difficult it is for women to survive in corporate setups until I got into cricket. I’m sure you asked this question out of humour, but I hope you… https://t.co/cBX4SbqAwS
चाहत्यांनी प्रीतीला पाठिंबा दिला . प्रीती झिंटाने चाहत्याला ज्या पद्धतीने उत्तर दिले त्याचे इतर सोशल मीडिया वापरकर्ते कौतुक करत आहेत. एका वापरकर्त्याने लिहिले- ‘प्रीती मॅडम, या प्रतिसादासाठी तुम्हाला सलाम. पंजाब किंग्जसोबत तुम्ही खूप चांगले काम केले आहे आणि किमान कोणीतरी तुम्हाला तो आदर देऊ शकेल जो तुम्ही पात्र आहात. लोक अशा घाणेरड्या कमेंट्स करत राहतात, हे आपल्या सर्वांसाठी लाजिरवाणे आहे. खंबीर राहा आणि पुढे जात राहा मॅडम”. तर दुसऱ्या व्यक्तीने कमेंट केली आहे की, ‘मॅडम, अशा लोकांकडे दुर्लक्ष करा, ते त्यांच्या आयुष्यात काहीही करू शकत नाहीत.’ कामाच्या बाबतीत बोलायचं झालं तर, प्रीती झिंटा आता ‘लाहोर 1947’ मध्ये दिसणार आहे. या चित्रपटात तिच्यासोबत सनी देओलही मुख्य भूमिकेत दिसणार आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List