Operation Sindoor पाकिस्तानच्या गोळीबारात 15 मृत्यू, चार मुलांसह दोन महिलांचा समावेश

Operation Sindoor पाकिस्तानच्या गोळीबारात 15 मृत्यू, चार मुलांसह दोन महिलांचा समावेश

‘ऑपरेशन सिंदूर’मुळे बिथरलेल्या पाक सैनिकांनी जम्मू आणि कश्मीर नियंत्रण रेषेवरील पूंछ, राजौरी, बारामुल्ला आणि कुपवाडा येथील गावांवर बुधवारी तोफगोळय़ांचा अंदाधुंद मारा केला. यात 15 नागरिक ठार झाले आहेत. मृतांमध्ये चार मुले आणि दोन महिलांचा समावेश आहे. याशिवाय 50 हून अधिक जखमी झाले आहेत. अनेक जखमींची प्रकृती गंभीर आहे. पाकच्या हल्ल्यापासून वाचण्याकरिता जम्मू-कश्मीरमधील भारत-पाक सीमेवरील गावातील शेकडो रहिवाशांना सुरक्षित ठिकाणी स्थलांतरित करण्यात आले आहे.

भारतीय सैन्याच्या कारवाईनंतर काही वेळातच सीमेपलीकडून तोफगोळय़ांचा मारा सुरू झाला. दुपारपर्यंत हा मारा सुरू होता. भारतीय सैन्यानेही या हल्ल्याला चोख प्रत्युत्तर दिले. यात शत्रूच्या अनेक चौक्या उद्ध्वस्त झाल्या असून अनेक जण जखमी झाल्याची माहिती आहे. पाककडून सलग तेरा दिवस गोळीबार सुरू आहे. या हल्ल्यात सर्वाधिक नुकसान पूंछ जिह्यात झाले. येथील डझनभर घरे उद्ध्वस्त करण्यात आली. सर्व मृत नागरिक पूंछमधील आहेत. अंदाधुंद गोळीबारामुळे रहिवाशांमध्ये भीतीचे वातावरण आहे.

बारामुल्लातील उरी सेक्टरमध्ये सीमेपलीकडून झालेल्या गोळीबारात पाच अल्पवयीन मुलांसह दहा जण जखमी झाले, तर राजौरी जिह्यात तीन जण जखमी झाले. कुपवाडा जिह्यातील कर्नाह सेक्टरमध्ये झालेल्या गोळीबारात अनेक घरांना आग लागली.

मृतांची नावे

बलविंदर कौर ऊर्फ रुबी (33), मोहम्मद जैन खान (10), त्याची मोठी बहीण झोया खान (12), मोहम्मद अक्रम (40), अमरिक सिंग (55), मोहम्मद इक्बाल (45), रणजीत सिंग (48), शकिला बी (40), अमरजीत सिंग (47), मरियम खातून (7), विहान भार्गव (13) आणि मोहम्मद रफी (40).

पंजाब, राजस्थान, कश्मीरमधील शाळा बंद

सीमेवरील तणावामुळे जम्मू, सांबा, कठुआ, राजौरी आणि पूंछमधील सर्व शाळा-महाविद्यालये बंद ठेवण्यात आली आहेत. तसेच पंजाबमधील फिरोजपूर, पठाणकोट, फाजिल्का, अमृतसर आणि गुरुदासपूर या सीमावर्ती जिह्यांमधील सर्व शाळा बुधवारी बंद ठेवण्यात आल्या. पुढील दोन दिवसही शाळा बंद राहतील. राजस्थानच्या गंगानगर, बिकानेर, जैसलमेर आणि बारमेर या चार सीमावर्ती जिह्यांमधील शाळा ठेवण्यात आल्या.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

‘ऑपरेशन सिंदूर’चं टायटल मिळवण्यासाठी निर्मात्यांमध्ये चढाओढ ‘ऑपरेशन सिंदूर’चं टायटल मिळवण्यासाठी निर्मात्यांमध्ये चढाओढ
देशात एखादी मोठी घटना घडली की त्यावर काही महिन्यांनी किंवा वर्षांनी चित्रपट बनवला जातो. पण त्याआधी त्या घटनेच्या नावावर शिक्कामोर्तब...
Operation Sindoor – पाकिस्तानातील अमेरिकन नागरिक आणि दूतावासातील अधिकाऱ्यांना सरकारने दिले देश सोडण्याचे निर्देश
…तोपर्यंत बदला पूर्ण होणार नाही! सर्वपक्षीय बैठकीत शिवसेनेने मांडली भूमिका, संजय राऊत यांचे ट्विट
Operation Sindoor – बिथरलेल्या पाकिस्तानचा हिंदुस्थानवर हल्ल्याचा प्रयत्न हाणून पाडला, पाकड्यांच्या ड्रोन अन् क्षेपणास्त्रांच्या चिंधड्या
Operation Sindoor- पाकिस्तानकडून लष्करी हल्ला झाल्यास त्याला कठोर उत्तर मिळेल- परराष्ट्रमंत्री एस जयशंकर
पंजाब सीमेवरून घुसखोरी करण्याचा डाव उधळला, बीएसएफने पाकिस्तानी नागरिकाला गोळ्या घातल्या
Operation Sindoor हिंदुस्थानकडून पाकिस्तानला आणखी एक जबरदस्त हादरा; लाहोरमधील रडार केले उद्ध्वस्त