पाकिस्तानवर मंगळवारी रात्री 1 वाजून 5 मिनिटांनी पहिला हवाई हल्ला करण्यात आला. त्यानंतर पुढच्या 25 मिनिटांत दहशतवाद्यांचे 9 तळ लक्ष्य करण्यात आले. या अड्डय़ांची कुंडलीच हिंदुस्थानी लष्कराने पत्रकार परिषदेतून जगासमोर मांडली.
– पीओकेतील मुझफ्फराबाद येथील लश्कर ए तोयबाच्या सवाई नाला प्रशिक्षण तळाला सर्वात आधी लक्ष्य करण्यात आले. सोनमर्ग, गुलमर्ग आणि पहलगाम हल्ल्यातील दहशतवाद्यांनी याच ठिकाणी प्रशिक्षण घेतले होते.
– मुझफ्फराबादच्या सैयदना बिलाल कॅम्पवर त्यानंतर क्षेपणास्त्र डागण्यात आली. येथे शस्त्रास्त्र, स्पह्टके आणि जंगलात कसे राहायचे याबाबतचे प्रशिक्षण दिले जात होते.
– कोटलीतील गुरपूर कॅम्पमध्ये पूंछ येथे 2023 मध्ये भाविकांवर हल्ला करणाऱ्या अतिरेक्यांनी ट्रेनींग घेतले होते.
– भिंबरच्या बरनाला कॅम्पमध्ये शस्त्रास्त्र कशी चालवायची याचे प्रशिक्षण दिले जात होते.
– कोटलीच्या अब्बास कॅम्पमध्ये तरुणांची माथी भडकावण्याचे काम करून त्यांना फिदायीन म्हणून तयार केले जायचे.
– सियालकोटच्या सरजल कॅम्पमध्ये मार्च 2025 मध्ये पोलीस जवानांची हत्या करणाऱ्या दहशतवाद्यांना प्रशिक्षण दिले गेले.
– सियालकोटच्या हिजबुल महमूना जाया पॅम्पमध्ये पङ्गाणकोट हल्ल्याचा कट रचण्यात आला होता.
कसाबने ट्रेनिंग घेतले तो तळ जमीनदोस्त
मुरीदकेच्या मरकज तोयबा कॅम्पमध्ये अजमल कसाब आणि डेव्हिड कोलमन हेडलीला प्रशिक्षण देण्यात आले होते. लश्कर ए तोयबाचे हे मुख्यालय असून रेझिस्टन्स फ्रंट या दहशतवादी संघटनेच्या दहशतवाद्यांना येथे प्रशिक्षण दिले गेले. या संघटनेनेच पहलगाम हल्ल्याची जबाबदारी घेतली होती. दहशतवाद्यांचा हा तळ लाहोरपासून काही किलोमीटर अंतरावर आहे. मस्जिद सुभान अल्लाह बहावलपूर हे जैश ए मोहम्मदचे मुख्यालय होते. येथे दहशतवाद्यांची भरती आणि प्रशिक्षण दिले जायचे. येथे पाकिस्तानी सैन्यातील मोठे अधिकारीही येत होते.
Comment List