पहलगाम दहशतवादी हल्ल्यानंतर सुरू झालेला हिंदुस्तान आणि पाकिस्तानमधील तणाव आता शिगेला पोहोचत आहे. एकीकडे पाकिस्तान अण्वस्त्र हल्ल्याची सातत्याने दर्पेक्ती करत आहे. तर दुसरीकडे, हिंदुस्थान पाकिस्तान विरोधात अनेक कठोर निर्णय घेत मोठी तयारी करत आहे. आता गृह मंत्रालयाने सर्व राज्यांना नागरी संरक्षणासाठी तयारी करण्याचे निर्देश दिले आहेत. यामुळे 7 मे रोजी मॉक ड्रिल घेण्यात येणार आहे. त्यामुळे पाकड्यांची तंतरली असतानाच आर्थिक स्थितीमुळे ते बरबादीच्या मार्गावकडे वाटचाल करत असल्याचे दिसते.
पंतप्रधान नरेंद्र मोदी दररोज सरंक्षण दलाच्या अधिकाऱ्यांसोबत बैठका घेत आहेत. या बैठकीदरम्यान केंद्र सरकारने राज्यांना मॉक ड्रिल घेण्याचे निर्देश दिले आहेत. या युद्धजन्य परिस्थितीत, पाकिस्तानमधील परिस्थिती दिवसेंदिवस बिकट होत चालली आहे. पाकिस्तानचा शेअर बाजार कोसळला आहे. देशाची तिजोरीही रिकामी झाली आहे. थोडक्यात पाकिस्तान आता अक्षरश: भिकेला लागला आहे. पाकिस्तानची अर्थव्यवस्था ढासळल्यामुळे परदेशी संस्था किंवा कोणताही देश त्यांना मदतीचा हात देण्यास तयार नाही.
दरम्यान आता पाकिस्तानची कोंडी झाली आहे. आधी पाकिस्तानसोबतचा सिंधू पाणी करार स्थगित करून आणि चिनाबचे पाणी रोखून पाकड्यांची चांगलीच कोंडी केली आहे. त्यानंतर पाकड्यांनी थयथयाट करत पोकळ धमक्या देत आहे. मात्र या धमक्या त्यांच्यावर बुमरँग होत आहेत. या परिस्थितीमुळे पाकिस्तानातील शेअर बाजार कोसळला आहे. तसेच त्यांच्या तिजोरीत खडखडाट आहे. एकीकडे पाकिस्तान देशोधडीला लागला असताना पाकिस्तानच्या एका खासदाराने देशातून पलायन करणार असल्याचे सांगितले. तसेच अनेक नेत्यांनी त्यांच्या कुटुंबियांनी परदेशात पाठवले आहे.पाकिस्तानच्या राष्ट्रीय सभेचे सदस्य शेर अफझल खान मारवत यांचे एक विधान चर्चेचा विषय ठरले आहे. हिंदुस्थान-पाकिस्तान युद्ध झाल्यास आपण इंग्लंडला पलायन करू, असे त्यांनी म्हटले आहे. या सर्व घटनांमुळे पाकिस्तानची बरबादी निश्चित असल्याचे मानले जात आहे.
Comment List